Makudang-kudang Drama Bali
penerus."
Wayan Otar : "Aduh, mabasan boréh jeg sepet-sepet raos Beliné. Pagigisin ngraos kéto Beli. Nyanan salah tampi generasi mudané. Kadén mahasiswa-mahasiswané koné suba pada ngamiletin mlibagang karya pamerintahé. Buin besikné pianak beliné Madé Sukada, kadén mahasiswa masih. Sing buka makecuh marep menék, nylekang pianak padidi adanné."
Gurun Gedé: "Ndén, malu. Da, carubanga panak beliné ngajak ané lénan. Yadiapin Madé Sukada panak tumin, anak angob Beli ngatonang buat karirihané lan budiné. Patutné, sandang pesan ia kadadiang mahasiswa teladan. Mahasiswa ané nawang tekén sesana aguron-guron, ngajinang anak tua, tur ngaresep tekén hak kalih kawajiban warga negara. Tawang Wayan, jani ia suba lulus insinyur bagian mesin di Institut Teknologi Surabaya, tur suba kabenum di bagian mesin Angkatan Lauté ditu. Mulihné duang minggu ténénan, anak suba kaicén baan kepala bagiané, mragatang pailehan pasakapané ajak adiné Ni Luh Latri. Buin telun ia lakar buin berangkat. Kénkén, yan, ... dadi cai bengong?"
Wayan Otar : "Liu pesan ané ngeranayang tiang bengong Beli.
Gurun Gedé : "Baan kénkéné?"
Wayan Otar : "Kaping besik, buat kabisan Beliné miara panak tumin. Kaping dua, buat karirihan I Madéné ngluer. Kaping telu, ngelah panak tuah adiri dogén. Amat ya bagia idupé. Né mara ya KB sejati adané."
Gurun Gedé : "Béh, yén buat kabisané ngubuh pianak tumin, nyén dogén bisa, yéning rasa welas asihé leket di déwéké. Kadén ada mungguh di tutur Ramayanané, sujatiné musuhé sing ja joh uli awaké, nanging anak di atiné ia nongos. Raga di musuh maparo, iri hati ya tonggwanya tan madoh ri awak. Lamun suba kenehé galang,
270
