II Drama Bali Anyar
jani idepé. Upamané, tiang meled milu ngrombo gaé, kénkén carané Beli?"
Gurun Gedé : "Demen pesan Beli madingehang munyin Wayané. Yan makejang rakyaté nawang sesanan anaké dadi warga Negara cara Wayané, gangsar lemuh jagaté.
Wayan Otar : "Ah... Beli ténénan. Da ja bas-bas ngajum tiang. Tiang sing, anak mara makeneh milu mituutin matulung."
Gurun Gedé: "Riastu riangen-angen, mapahala juga ikang. Kéto ada kocap mungguh di agamané. Artiné, yadiapin mara di angan-angané, di keneh magaé, anak suba ia mapala, mabuah. Upama, ada jlema mara ngrencanayang dogén ngamatiang wiadin mamati-mati, yan suba uningina baan polisiné, sinah ia lakar katangkep."
Wayan Otar : "Misi pesan raos Beliné."
Gurun Gedé : “Randingan tekén tingkah truna bajangé cara Janiné."
Wayan Otar : "Kénkén ento Beli? Truna bajang generasi mudané orahang Beli?"
Gurun Gedé : "Aa. Truna bajangé jani liunan blenguh tekén beblenguhan. Tusing ada ané ngelah semangat ngobar-obar, ngobar-obar buka yaban pemuda di zaman panyingkirana. Semengan suba pajongkok di warung, masambilan cekar-cekvr mlolong dagang. Ané ngelah montor, tusing kadong baan pramadana. Tusing bias ngajinin anak tua, nagih pipis tan pajangkan anggona ngulurin anak lua. Dongané bengongan Beli masi, sing to, ... soroh luhluhé. Jeg pragat lega mara ajaka maplesiran tekén anak muani. Nyak ja montoré ento baan nyilih, nyak ja pipisé baan mamaling, jeg abesik pragat liang. Patutné, sing sed-sed anaké malu apanga I muani tusing nyléwéng. Ento mara ya madan putri sejati. Tegarang Wayan jani ngenehang. Lamun kéto dogén gagínané selemah peteng, lakar kudiang bisa dadi generasi
269
