II Drama Bali Anyar
aget masi, dugasé anyudang arus, nadaksara ada sampah liwat. Ento katumpangin. Selamet nganteg di gumi Madurané. Suba aman mara mulih."
Teguh : "Mokoh jani. Suba seneng. Dadi bos."
Bonang : "Bos ... bosor."
Teguh : "Dija magaé jani?”
BBonang : "Di sawah lonto. Dong uma gelah. Maan nyilih tekén timpal. Yén tusing kéto, bisa tusing nepeng. Né lén ja raosé, dadi bisa makumpul dini? Dija anaké ngelahang gumi dini?"
Teguh : "Kobar katakonang? Suba magedi."
Bonang : "Béh, telah bayuné. Kadén suba singgahin pélor péléngané. Depang jelema penghianat totonan magedi. Déwéké bani ngatelang getih, mélanin gumi, nu masi lacur tepuk."
Teguh : "Da nyelsel raga. Ané perlu, ipidan iraga suba taén berjuang apang merdéka."
Bonang : "Hah, Pak Budi? Dadi bareng dini, Pak? Béh ragané suba pepes nulungin ngalihang pipis di bank. Jemet pesan."
Teguh : "Ento panak gelah."
Bonang : "Panak? Bih, tusing tawang. Aget ngelah panak bagus kéné. Hé, matatu?"
Budi : "Lepetan."
Bonang : "Hi, hi. Nah pelih raos Bapané. Ketut tidong pianak Kobar. Jani mara ngugu."
Sari : "Jani mara lega keneh tiangé, mara sida matemu ngajak Bapa ané ngarupaka déwék tiangé, kéto masi ngajak Beli."
Bonag : "Yén saya ngelah panak luh ada tujuan ngatepang ngajak. Kanggoang cucun Bapané ané mara ibi matelubulanan. (Kedék ngikkik).
261
