II Drama Bali Anyar
Mén sari: "Adéng-adéng,Beli Wayan."
Teguh : (Cara anak nglawanin, yéhé ento inema).
Mén sari: "Beli, ingetang déwéké."
Kobar : "jani suba jelas makejang. Nah yén makita malipetan tekén ia (matujuhang I Teguh) Lautang! Nah, magedi jani ajak makejang. Apang gigisan inguh atiné. Hé, tusing dingeh? Magedi! Sepenan énggalan matané. Dadi tileh ngemuk? Apa kaduléngék dini buin?" (Teka Sari ajaka Budi. Budi liu matatu. Getihé ngetél uli tatuné).
Sari : "Mémé!”
Men Sdari: "Hah? Wati? Nyén né kajak. Dadi kéné, kenapa? Uli dija né? Kénkén unduké?"
Budi : (Nyagjagin Bapanné). "Bapa, tulungin tiang Bapa, sakit."
Teguh : "Kénkén unduké telah matatu.”
Sari : "Hé (nagih nyemak. bedil sakéwala rintangina tekén Méméné) kéné solah ibané. Dadi tundén nunjel umah? Dadi tundén ngrampok? Ho kéné parisolah ibané. Corah. Mokak. Yén Beli Budi mati?Liu anaké mukulin ditu. Aget tiang énggalan teka. Yén tusing kéto méh mati."
Kobar : (Cara anak jejeh). "Hah?"
Mén sari : "Né, I Budi? Suba makelih lamun jani. Ampura Mémé, Budi. Kudang tiban kadén iraga tusing taén matepuk."
Teguh : "Melahang nlektekang tatu di tunduné. Ento ciri ané pasti."
Mén sari : "Ampura Mémé,Cening. Mideh alih Mémé, Cening, tusing tepuk. Dini jani iraga matemu."
Sari : "Hé, dadi tundén nunjel umah? Dadi tundén ngamatiang? Bapa dadi mendep?"
Mén sari : "Sujatiné ia dong Bapan Ketuté. Né Bapan Ketuté sujati."
259
