II Drama Bali Anyar
jani. Ento pinaka bukti. Tiuk ané kanggon nebek tangkah anaké luh totonan, makutang di bibih tukadé, ulian gagéson magedi. Kéto masi ada kamben magetih-getih. Nah, antosang. (Macelep tur pesu buin ngaba tiuk tekén kamen ané suba ucel. Teguh nalektekang). Nah, né nyén ngelah?”
Teguh : "Hah? (Cara anak tusing inget tekén raga). Hah! Da! Saja! Da! Dong! Tusing! Tusing!"
Kobar : "Dugasé ento makita masi bareng mati, apang bangkéné matemu di kadituan. Solahé ngamatiang ento kadanin solah melah? Solah ané patut sungkemin?"
Mén Sari : "Saja Beli malaksana kéto?"
Kobar : "Liu solahné ané tusing beneh. Taén masih nagih."
Teguh : "Omongé bes kaliwat bates. Omong puyung. Ngomongang pelih timpal apang saruan pelihé padidi. Ngacuh."
Kobar : "Ngaku apa tusing. Yén déwéké ngaku pahlawan musti jujur."
Mén Sari : "Ah, kéné padidiané."
Kobar : "Yén nu kéto ngengkebang solah berek, ento kaadanin pahlawan ocol-ocolan."
Mén Sari : "Raosé cara pada saling ngalihin kaselipan."
Teguh : "Saja! Hé! Yén materang-terangan awaké anak bisa masi. Dingehang malu. Mémé mati macekuk, ulian tusing nyak ngadep abian kopi di Kendengan. Kabelog-belog. Cara siapé gorok mémén awakéné mati macekuk. Kaintip uli betén méjané. Dugasé ento awaké enu cerik. Takut. Saking dueg bapan ibané, ditu ngéka daya. Midehan ngorta. Mémén awakéné mati ngantung iba. Ento kaadanin solah dusta. Nyén anaké tuara sebet, bes mémé mati cekuk anak."
Kobar : "Ento ngarang adané. Ngaé-ngaé. Bobab."
257
