II Drama Bali Anyar
Kobar : "Melahang makeneh. Dharma tetimbangané anggon, yén suba kéto mara tawang nyén pelih, nyén beneh."
Teguh : "Suba tusing sedeng gugu omongé.”
Kobar: "Tusing maksa nundén ngugu."
Mén Sari : "Aduh raosé cara anak maprekara di pengadilan."
Teguh : (Cara ngraos padidi). "Mula takut ngelekadang panak padidi."
Mén Sari : "Kagugu munyi jelemané berek ténénan?"
Kobar : "Yén awaké berek dadi kanggoang."
Teguh : “Mendep! Makejang berek! Jelema lua suba tusing sedeng gugu."
Mén Sari : "Uduh, Déwa Ratu. Dados asapunik panggih titian? Dadi melihang tiang? Dadi las Beli ngraos kéto. Jani di subané iraga macepuk, kadén lega tepuk. Satmaka Beli bareng ngacepang apang tiang énggal-énggal mati."
Kobar : "Dija katepuk ituni? Di dagang tuaké koréngan totonan? Ento suba kereng aliha."
Teguh : "Pabedikin ngomong. Tusing taén kalekan dingeha tekén kupingé."
Mén Sari : "Ah, Béli, da pesan guguna."
Kobar : "Méong lua."
Teguh : "Di guminé né suba tusing ada sedeng gugu."
Kobar : “Ané sedeng gugu unduké ané madan sejati."
Teguh : "Amoné baan malaksana, matoh angkihan melanin gumi, apang suud nepukin lacur."
KObar : “Kiamat! Kiamat apa guminé.”
Teguh : "Somah corah. Timpal corah. Somah nguugan idupé. Timpal nguwugang idupé. Né tuah cirin guminé usak. Iba jelema lua tusing satia wacana! Sumpah dogén gedé. Nanging puyung. Kaliwat genit."
253
