II Drama Bali Anyar
da mabikas di umahé né. Né tonyan dusta, (Matujuhang tangkahné) kénkén solah malingé suba katawang."
Budi : "Tiang wantah matemu tekén I Sari."
Kobar : "Matemu ngajak I Sari?"
Budi : "Inggih, inggih. Anu."
Kobar: "Da inggih-inggih, tekén anu dogén. Melahan ngomong terus terang dogén."
Budi : "Tiang ... tiang."
Kobar : "Buin tiang, tiang. Hé, né anak taén masi bajang. Sakéwala tusing cara kéto, ngomong tusing karuan apa. Awaké tusing taén kaimud nuturang tetujon. Jawat tekén nyén dogén. Hé, (Mendep ajahan) cai demen tekén I Sari?”
Budi : "Inggih Pak."
Kobar : "Inggih? Apa inggih. Cai uli dija. Apa ké cai tusing nawang? Né suba guru silat di désané né."
BUdi : "Guru silat? Sané kasub punika. Wau tiang uning ring rupa." (Ngejang kotak di duur méjané).
Kobar : "Kéné. Ukana awaké suba gedeg gati. Ulesné cai saja anak jujur."
Kobar : "Awaké anak bisa matenung. Hé, nyén adané. Uli dija?"
Budi : "Tiang Budi. Saking kota."
Kobar : "Budi? Ho, bisa mencak?"
Budi : "Tiang nénten uning."
Kobar : "Pak, kéto anaké. Nyak malajah."
Budi : "Inggih Pak."
Kobar : (Nlektekang paukudan I Budi). Potongané melah, adegé cocok. Bapak jurus apa dogen bisa. Dépok, Cimahi. Tujuh harian masi bisa. Cimahi aluh. Hah, Bapak buung gedeg. Tegarang melahang ninggalin. Da ngalén-lén.
241
