Makudang-kudang Drama Bali
petengé jani. Nah yén Beli madalem padéwékan tiangé, édéngin tiang gegambaran, édéngin tiang rurungan. Melah keneh Beliné, yén tiang nepukin sengsara, makurenan ngajak anak muani ané tusing demenin tiang?"
Budi : (Makeneh). "Kéné Tut, yén kapo kanggo baan Ketut, mula melah Ketut magedi uli umahé né. Nah, ditu Ketut ngoyong, di umah kakin Beliné. Joh uli dini, kéto masi joh tekén kota. Nah yén Beli suba ngelah bekel, jalan ditu ngantén. Da kadropon, Tut, Jalan ngalih déwasa ané melah."
Sari: "Sakéwala Beli, yén umah kakin Beliné tawanga tekén bapan tiangé, kénkén baan madaya?"
Budi :"Joh para Tut. Tongosé joh. Tur Saru. Liu punyan kayuné gedé. Uli joh kubuné tusing ngenah."
Sari : "Lamun kéto, melahan jani suba, Beli. Satondéné Bapan tiangé teka. Antosang malu, Beli." (Macelep).
Budi : "Nu cara imalu adaté dini. Demen anaké tua kanggo."
Sari : (Pesu buin) "Beli, gisiang malu kotaké." (Macelep buin gegéson). (Teka Kobar, raosé bangras. Néngténg bedil).
Kobar : "Ha? Ada bikul mabulu selem dini?"
Budi : (Makirig).
Kobar : "Ngoyong! Nyén cai? Tawah-tawah jelemané macelep. Da makirig témbak tendasné."
Budi : "Nunas ampura tiang."
Kobar : "Apa kalih mai? Maling?"
Budi : "Tan wénten. Tiang tan mamaling."
Kobar : "Men, apa kalih mai? Lutung puruh. Kakaratan dogén melah. Mapanganggo bungah-bungah. Apang saruan dadi dusta. Né siasat maling. Suba katawang. Patuh cara tukang copét. Sakéwala
240
