II Drama Bali Anyar
suba taén ngalamin papojolan. Polos. Tusing misi lengkara lénan."
Budi : "Demené sujati tusing perlu misi lengkara dawa-dawa. Buina Beli tondén taén nyalanang unduk demen di kota. Yadiastun idupé di kota satmaka tongos patemuan para terunané. Tut, Beli tuah demen tekén Ketut di jagaté né. Beli tusing ngelah gegélan di kota. "Kéweh Tut mademenan ngajak anak luh kota. Musti ngelah honda paling bedik. Mabaju melah-melah. Sarwa bungah.Kéné Beli ngelah sepéda nyén nganggoang. Adén Beli makirig satondéné Beli majumu."
Sari : "Raosé cara anak pedih."
Budi : "Tusing Tut. Beli tusing pedih. Yén Beli pedih artinéBeli suba taén ngelah? Nyén nganggoang buruh cenik kakéné?Tut, nyegégang tinggalin Beli, kadi bulané. Nyemporong. Dadi tusing taén madagang ka kota buin Tut?"
Sari : "Cara bulané compéng? Jahil pesan Beli. Répot Beli, masekolah masambilan."
Budi : "Tut, (makenyem) tusing ada lénan pilihan Beliné."
Sari : "Ah, begbeg kéto dogén raosné, tiang jelék. Anak luh kubuan."
Budi : "Beli demen tekén anak luh kubuan."
Sari : "Di kota tusing kuangan tekén anak lub jegég."
Budi : "Nu jegégan masi Ketut." (Nyemak limané Sari).
Sari : "Aduh sakit." (Suarané ngareres kabelegbegin lega).
Budi : "Kéto dogén suba sakit."
Sari : "Bes gemes gati. (Makenyem) Antosang malu, Beli. Bedak majalan joh." (Macelep).
Budi :(Ningalin kedisé, gambar-gambar di témboké). "Sepi dini, sakéwala sepi tusing ada, yén suba
237
