II Drama Bali Anyar
idup. Bisan bapané tuah mamaksa. Nundén aji kekerasan. Bapa maksa tiang ngajak I Bondan apang idup tiangé melah? Ento alasan dogén. Bapa masi tusing jujur. Hé, sujatiné ulian utang Bapané ané tusing nyidayang mayah. Jani déwék tiangé dadi sasaran. Tiang dadi jaminan. Melah pesan tatujon Bapanné ento. Liunan akal." Kobar : "Yéh, dadi lemes gati bibih jelemané ténénan. Uli pidan dueg ngomong kakéto? Tegarang jumunin buin acepok. Amonto baan ngajahin apang ngerti tekén solah ané melah. Hé, lamun ngomong, makeneh malu nah. Apang tusing ngawur kakéto! Goban ibané berek ento nyimpen keneh berek masi. Dadi dueg kéto ngomong, nyén ngajahin? Kapunggal tendasné!"
Sari : "Lautang! Kénkén ja nyeté." Kobar : "Mendep! Asal ngomong nagih ngutah awaké."
Sari : "Uduh, Déwa Ratu. Dados asapuniki panumadian titiang."
Kobar : "Nah, kaukin suba Déwa Ratuné. Déwa Ratu! Déwa Ratu! Apang samas kauk-kauk teka ya? Apang katawang nah. Melahang madingehang omong. Jelemané né suba pasti ngaba keneh (Nigtig tangkah). Kéné musti kéné. Harus! Nyén bani nentang bangka poloné."
Sari : "Mémé. Uduh Mémé. Lacur pesan tiang Mémé. Tusing kodag tiang makelo kéné, Mé.”
Kobar : "Dadi tusing ngugu tekén omong Bapané."
Sari : "Bapan tiangé? Bapa? Dadi tusing manut tekén solah tua. Tiang tusing ngelah bapa kakéné."
Kobar : "Apa? Tusing ngelah bapa kakéné? Nyén ngelah panaké? Panak babinjat ho?"
Sari : "Ceréwét. Demen ngomong!"
Kobar : "Céléng alasan."
Sari : "Yén Bapan tiangé, dadi ngelah keneh marikosa déwék tiangé? Kéto swadarman anaké
233
