II Drama Bali Anyar
KObar : "Macelep! Énggal-énggal!”
Mén Sari : "Jani."
Kobar : "Apa artin srara-sréré kéto? Mata kakul. Srara-sréré cara matan bojog. (Tekén I Sari). "Kéné Tut, melahang pesan nampi raos Bapané. Kadong suba bakat teriman Bapa lamaran I Bondan. Yén Ketut tusing nyak, kimud pesan Bapa. Apa korahang déwék Bapané? Buina Bapa tusing ja ngutang Ketut ke jurang-jurangé. Bondan jelemané tusing kuangan buk. Jelema jemet. Apa dogén tagih Ketut sida bana."
Sari : "Lantas?"
Kobar : "Bapa ngidih apang Ketut nyak ja makurenan ngajak I Bondan."
Sari : "Ané sugih ento?"
Kobar : "Bondan jelema melah. Kadén sabilang mai ngaba baas barak. Ento ciri, calon mantu ané jempolan. Calon mantu ané melah nyén ja ané bisa nawang dedemenan calon matuané."
SAri : "Lénan tekén ento, krana I Bondan alep. Bagus, melah solahné. Kadén liu ngelah kurungan Pa? Liu ngelah abian. Liu ngelah Oh, Beli Bondan oh sugih?"
Kobar : "Nah, kéto, kéto mara ya panak Bapa. Ketut anak mula dueg. Gangsar Ketut ngerti tekén tetujon Bapané."
Sari : "Tiang makurenan ngajak I Bondan?"
Kobar : "Beneh gati."
Sari : "Ané ngelah gedong gedé ento?"
Kobar : "Tuah saja."
Sari : "Ané liu ngelah carik ento?"
Kobar : "Beneh. Beneh. Beneh."
Sari : "Sakéwala, dadi musti tiang makurenan ngajak I Bondan? Apa tusing ada muani lénan ané melahan tekén ento?"
231
