Makudang-kudang Drama Bali
anaké. Da nyebeng dogén."
Mén Sari : (Makipekan, sebengé sada usem).
Kobar : "Kéné, Tut. Melahan Ketut énggal-énggal makurenan. Kadong Bapa nu idup."
Sari : "Apang tiang nepukin bagia. Kéto?"
Kobar : "Tuah saja kéto."
Sari : "Makurenan yén tusing kadulurin rasa, sinah kéweh lakar tepuk. Buina tiang nu masekolah. Tiang nu dot malajahang raga.'
Kobar : “Ento alasan dogén. Apa korahang?”
Sari : "Tiang tondén makita. Nu belog."
Kobar : "Bapa nundén. Bapa nundén apang makurenan!"
sari : "Tiang tondén."
Kobar : "Jelema beler. Lengeh. Lengeh buah. Bapa tusing demen ningeh omong pelaca-pelécé. Ento nentang tetujon Bapané adané. (Maekin I Sari). Hé, lengeh. Apa kantiang buin. Apang boké suba uban mara makurenan, kéto?"
Sari : "Bapa maksa tiang?"
Kobar : "Bani ngomong tawah-tawah. Hé, magedi uli dini. Magedi. Satondéné getih Bapané muncrat ka polonétusing bisa ngomong. Ngaé gedeg basang."
Mén Sari : "Adéng-adéng."
Kobar : "Adéng-adéng?"
Mén Sari : "Iraga suba tua, tusing dadi bas maksa. Jani pasrah tekén pianaké. Saluiring ané mapaksa jelé dadiné. Ngraos melah-melah, ngajak panak. Dabdabang."
Kobar : "Mendep! Mendep! Cegemang bunguté! Mendep dogén tuara kodag. Ngaé basang gedeg. Pocol gati yén mendep ho? Pulesang ibané."
Mén Sari : (Macelep tur nyréré Sari, kéto masi I Sari. Paliaté matemu).
230
