II Drama Bali Anyar
Sari : "Batan tilamé."
Kobar : "Ento pipis manggo."
Sari: "Matajén?"
Kobar : "Kadong ipiané melah."
Sari : "Melahan tajéné tekén kalungé?"
Kobar : "Awak cerik apa katawang."
Sari : "Demit."
Kobar : "Demit nyak tusing. Nemitang gelah padidi. Hé, lén ja tuturé. Suba kabales suratné Wayan Bondan?"
Sari : "Tondén."
Kobar : "Bales anaké."
Sari : "Tiang tusing demen."
Kobar : "Bagus, buiné sugih."
Sari : "Tiang tusing perlu tekén anak bagus sugih. Tiang nu dot malajah. Masekolah."
Kobar : "Masekolah? Nyén lakar kaganti. Gubernur Sukarmen nu idup. Pak Hartawan nu siteng. Nu seger oger. Yan Bapa raga luh, tugasné di paon Dapur."
Sari : "Ento kuno."
Kobar : “Kuno? (bangun tur nguadang bangkiang,nyemak bedil). Melahang ngijeng jumah. Bapa nelokin abiané malu. Liu ubuané rusuh. Telah katimuné. Lakar kaborosin poloné." (nyemak sénter).
Sari : "Anak pada ngepung gelar, né lén.”
Kobar : “Kanggoang Bapa gelar-gelur." (Sari padidi, nyemak surat uli BH-né. Lantas suraté ento kabaca).
Sari : "Surat Ketuté suba terima Beli. Beli masi perlu teka mai ka umah Ketuté. Mawuwuh-wuwuh legan Beliné, itelun Beli mara prasida macepuk ngajak Bapa. Yén tusing Pan Sembah nerangang tusing kaingetang baan Beli. Bapan Beliné berag,
219
