I Drama Gong
lepas main yasane."
Gede Rawi : "Nyoman, ngomong dong bisa dogen. Tegarang Nyoman cara Bli."
Nyoman Jati : "Ah, nguda keto, Bli. Jatine luh-muani anak patuh dogen, kaden nyen tiang mlenan idepe. Suba dituan, sakewala yasane m6lebih utamaang tiang."
Gede Rawi : "Nah, nah, Bli mulih suba, Adi. Timbang nyen Bli ngeret keneh, melahan Bli majohan ajak Adi. Terusang suba Nyoman dini."
Nyoman Jati : "Nden, te, malu Bli Gede. Kadalih Bli tiang kuang tindih lakar makuman, sing keto, Bli. Buin pidan yen suba lepas yasane nyen-nyen bang tiang."
Gede Rawi :"Nyoman, adenan suba Bli mati lamon terus kene. Sing sida baan Bli ngeret keneh Bline, Nyoman."
Nyoman Jati :"Beh,I Beli goda pesan. Nah, lamun ento kone anggep Bli melah, basa tiang sanggup, jele-melah bareng mati, lautang." (ring tengahing wengi
matemu rabi reke Gede Rawi sareng rabine, I Nyoman Jati, segerehan mobot, kalaning raine lepas petapaane embos reke rarene macaling kadi raksasa)
"Aduh, Bli, dadi sadina-dina ngedeang belingan tiange. Ne mara 5 dina suba buka andegan belingane 6 bulan, kenken, ya, jani tiang Bli."
Gede Rawi : "Da, suba ento selselanga. Ulian Bli pelih momo drowaka,kenkenang apang pianake melah."
Nyoman Jati : "Bli ... Bli, dadi minaba nagih ngangseh tiang, Bli. Bli ... Bli .... Bles ... aduuh, Bli!"(padem Ni Nyoman Jati)
Gede Rawi : "Adi, mati, Adi, Bli milu, aaaaa ...." (kasuduk wetenge antuk keris)
Bungkut :"Meme .... Bapa ... encen nasine? Seduk ...." (saraina I Bungkut ngelihang, tan kocapan bajang)
13
