Makudang-kudang Drama Bali
bungah baan mamaling?(Nuding-nuding dagang kacang tekén ané mokoh).
Dagang Kacang : "Awak luana mata pipis masi? Mara baanga kalong ngudiang nyak? Ngudiang seraang barangé?"
Luh Sulastri :"Mara nyai mamunyi keto? Beh pidan aéng alus munyiné. Jeg nyakin duén, bakal énggal juanga."
Anak Mokoh :"Kéné bangké kénkénang nyuang?"
Luh Sulastri :"Bangké lén bangké, suba bangka, jani kénkén?"
Anak Mokoh : "Kénkénang nyuang banjar sebelan. Saling kéné cang magaé di kantoran sing dadi maduang, yén sing maan izin."
Luh Sulastri : "Ah..., mara cai ngorahang kakéto? Cang kadén cai sing bisa ngaliak masi? Ento suba bisa nyérét getih jlema idup. Suba biasa nyesep banyeh. Ah... ha... hi... hi... ha... ha...." Néngkléng, ngeréh bokné magambahan, nyarep-nyarep ané mokoh ngiderin bangkéné). "Nyai jlema luh pangrusak."(Nuding dagang kacang).
Dagang Kacang :"Nyai masi jlema usak. Ngedotang gelah timpal."
Luh Sulastri : "Nyai ngadep gelah timpal."
Dagang Kacang : "Yén suba tawang bakal adepa masi demen. Nyén ané pelih?"
Luh Sulastri : "Nyai?"
Dagang Kacang : "Ngudiang cang pelih... cang apa ngaba barangé?"
Anak Mokoh : "Ngudiang uyut soroh léak désti? Ené bangkéné kudiang?"
Dagang kacang : "Mula tukang amah jeg amah. Cang bareng masi."(Makejang néngkeléng).
Anak Mokoh : Sing ada anak teka nyén. Cang bang bareng masi."
Dagang Kacang : "Mula dasar tukang amah... aidupan cai ngamah
212
