II Drama Bali Anyar
Anak Mokoh : "Kéné peteng... kénkénang?"
Luh Sulastri : "Tiang sing nyak mulih yén sing ajak Beli."
Anak Mokoh : "Beli jani kéweh, pis désané ané bakal anggo mangun Balé Kulkul bakat liu celed, kalah aba matajen. Aduh, kénkén".
Ané mokoh : "Aduh... kénkénang jani." (Menjek sirahné
padidian cara anak kabingungan). "Ada bangké jani dini, yén makelo bangkéné dini kadéna ragané nyén. Yén... yén...."(Ngisi
baongné Luh Sulastri) "Aba ka balian Dadong Lobong... ulungang... kanggoang malu...." (Sada adeng munyinne sebet).
Dagang Kacang : "Kuuk... kuuk... kuuk... ah ..., ah ... ah ... hé... hé ... hé ...." (Ngeréh, kambené tek entud, bokné magambahan kedék ngrékék. Luh Sulastri milu cara anak kasurupan, néngkléng, bokné magambahan).
Luh Sulastri : "Kénkén ulungang? Ah ... ah... hi... hi...."
(Ngalénté ajaka dadua, saling déngkléngin ) "Pasemuan Liak... di lemahé keneh cainé melah .... Di galangé cai masemu darma... puputné cai tukang amah, kanti embud basang cainé ngamah timpal gelah gumi, enu masi cai kagugu, baan dueg cainé mamunyi, nyaleog, nékor... puputné cai tukang pagla... ah... ah... hi... hi...."(Ané nékor nyeh pesan tikeh palangkané kambanganga cara léak ngalénté)
Dagang Kacang :"Amah betekang apang kanti ngutah, mara suud.
Jani ada bangké lan sedot getihne!" (Ngigelin bangkéné).
Anak Mokoh : "Nyai masih patuh... akuda suba bajang-bajangé
dini kuluk-kuluk nyai... nyai céti apang maan pipis. Akuda kadén suba bajang-bajangé dini usak baan nyai."
Luh Sulastri : Ené cang kakénkénang jani, karana ekan-ekan
nyai masi? Beneh baanga kalong emas, bungkung, baju. Béh, kadén cang cai mula magaé ané patut.
211
