Makudang-kudang Drama Bali
Anak Mokoh : "Yen sing pongah, sing payu ngamah."
Anak Gelem-Geleman : "Jeg... amah ja timpale."
Ane Kate : "Mula timpal ane kasempal."
Ane Landung : "Kenken Luh dadi kanti peteng di wangan."
Ane Kate : "Bakal mulih, mai atehina."
LuhSulastri : "Suba bisa padidian mulih."
Ane landung : "Sing nyak ajak ia, mai raga ngatehin."
Luh Sulastri : "Ken nyen ragane sing nyak?" (Ngadesem)
Ane Kate : "Ken to mara nyak."
Ane Landung : "Melahang nyen, pilih-pilih bekul bakat buah bangiang."
Luh Sulastri : "Depin suba, yen keto lacuran ya ragane."
Dagang Kacang : (Kedek ngrikik) "Yen suba sing kanggoanga, eda memerud pesan."
Ane Landung : "Kenken adane anak berjuang, sing dadi putus asa."
Dagang Kacang : "Bali-Bali ja ngomong."
Ane Landung : "Apang seken tur gagah perlu melayanin kapahkapah. Ungkusang kacang buin dasa rupiah." (Dagang kacang gati ngungkusang kacang).
Anak Kate : (Jeg bangun makecuh, ngalimpuk panarak kacange, dadi maura mabrarakan) "Linuh ... linuh... idup."(Makejang malinder sing karuan, magrudugan, makejang ngorahang... idup...idup.... Ane gelem-geleman nyemak nare, ane landung nyemak semblong, gebuga, uyut magrudugan).
Makejang : (Sing karuan-karuan magrudugan malinder, mamunyi uyut, saling tongsok) "Idup... idup...idup... idup... linuh...." (Slegenti mamunyi) "Idup... linuh... sakane ngejer... idup ... mai... mai... eda ditu" (Malinder daas diis angkihane).
Dagang Kacang : (Ngeling) "Kacang icange Maura, aduh, aduh ...."
206
