II Drama Bali Anyar
I Mokoh bakal ngalih suung. Dagang kacange nguntul duen. Suba saru mua. Ane mokoh gedeg pesan, laut magedi, dagang kacange ngorahang ngalih damar ajahan, tur ane gelem-geleman ngorahang mulih. Nyaluk peteng, cicinge ngongkong).
PAOS II
(Peteng pesan,lantas teka dagang kacange ngaba damar sentir, kelak-kelik cara anak kuangan lengis. Peteng... suung pesan tusing ada nyen. Dagang kacange sada masebeng sebet).
Dagang Kacang : (Ngejang damar di sampan kacangne matatakan semblong cenik, kramak-krimik padidian, nolih ka samping takut baan suunge) "Dadi suung pesan?" (Damare kelik-klik nagih mati, laut bukaka caroncongne, damare mati ampuang angin, makrepakan ia ngalihin colok) "Aduh... Dewa Ratu... damar tiange mati? Dija colok tiange? Dadi suung Bale Banjare?" (Cicinge ngongkong, ia ngrepak buin ngalihin colok suba bakata coloke, ngerekang coloke ngenyitin
damar. Mara enyitina, mati ampuang angin ia nolih ka samping takut pesan kadena ada ane ngupin, lantas buin ngenyitin damar) "Pantes kelik-kelik... lengisne telah." (Nyemak botol lengis uling di panarakne, laut ngalengisin damar baan enyehne ia ngejer ngalengisin damar).
Dagang Kacang : "Aduh... dadi kene suungne, cara gumi grubug." (Cicinge ngaung-ngaung, dagang kacang kipak-kipek nyeh pesan atine. Ngejer ia ngerekang colok, damare endih cenik pesan, laut ia negak bengong. Teka anak luh jegeg ane madan Luh Sulastri).
Luh Sulastri : "Embok?" (Adeng pajalane, karana peteng) (Dagang kacange makasiab kanti mancitan jitne).
Dagang Kacang : "Nyen ento? Kene peteng dedet tusing tepuk apa."
197
