I Drama Gong
dumun abulan pitung raina ring Bukit Manggi)
Gusti Ayu Bas : "Ngudiang gambar Ida makelo sing teka-teka, Bibi, kenyel suba gelah mangantosang, kaden mani kaden puan. Sukeh anake ngantiang Bibi?"
Paongan : "Mula kenten, Tu,Anak Agung. Antosang malih ajebos, Ratu. Samaliha titiang miraga orti bakal rabin Ratu punika, prabune ring Bali kocap baguse tan saman pada. Putih gading, kemikan lambene nyenyer manis. Yen nika pet ...."
Gusti Ayu Bas : "I Bibi bangun-banguna idep osah. Oooo,kenken, ya, oooo, Bi? Aduuuuhhhh, Bibi? Adi aeng makelone, Bibi, ada masi nyambutin gelah. Ida
maparab Batur Enggong. Di beten langit saduur tanah kone Ida Prabu paling adila. Mawanan ada kone senggak ditu: Dewa Enggong, nah, ke cara Dewa Enggong. Keto kone,Bibi."
Paongan : "Sawiakti. Yen Ratu iringa merem bulan-bulanan?"
Gusti Ayu Bas : "Aaaaaah, ane keto-keto omonganga I Bibi. A ... dub." (lemet kengin Ida Ayu Bas matimpuh gitane nglilit langit)
Bima Cili : "Ne, ne ... ne! Ne apa gambare, gambar Ida Prabune uli Bali.
Ne baliiin-baliin. Wake kapangandikaang maang Ida." (gambare malepit kambil antuk Nyi Ayu Bas, dag-dug-dag-dug dadan Ida, raris Bima Cili mapamit kajabaan)
Paongan : 'Tu, Tu, enggalang ... eee ek, gelisang apang titiang taler uning."
Gusti Ayu Bas :"Aduh,Beli... Bli Batur Enggong. Wantah gambar anggen Bli larapan. Kasujatian Bli durung naanin panggih titiang. Bibi ... Bibi ... tiang sing nyak, sing nyak!"
Paongan : "Tu, Anak Agung, sapunapi? Dados makaik. Napi wenten, napi?"
Gusti Ayu Bas : "Aturang teken belin gelah. Gelah sing nyak lakar
11
