Drama Gong
Dewi Serengga/Dewi
Serenggi : "Ledang pakayun, titiang sareng kalih dados tebeng dada." (Raris Nyoman Sekar magentos rupa, lanang magelar Prabu Antariksa).
Antariksa : "Manik astigina, apang ada puri saha wadua. Ingetang ajak makejang, jalan magae, bangun gumine apang sida makmur. Jani kene. Sawireh gelah makita pesan nepukin Belin Gelah, yen dija kapo ia, lantas Gelah ngadaang sewambara. Uli mani patih-patih apang nyebarang sumangdene para retune bisa teka mai. Nyen nyidayang ngabut panahe ene, ia lakar serahin gumi Pancalane tur sanggup gelah dadi panjak saumur idup". (Asapunika daging pasewambarane dados prabuprabune seosan pada rauh mangadu nasib).
Prabu Singosari : "Paman, jalan masewambara, iring Gelah! Ditu di panegara Pancala sesukat madeg Prabu Antariksa, gemuh gumine sing kodag-kodag. Apan isin sewambarane buka keto, Makita te gelah bareng, saget-saget kasidan dadi matambah gegisian Gelah to Paman."
Prabu Patih : "Sawiakti pisan, manawi wenten suecan Ida Parama Kawi kasidan kengin, maweweh-weweh wewidangan Palungguh Ratu. Ngiring sampun Tu!"
Prabu Singosari : "Jalan, Paman!"
Prabu Mandiri : "Aaaaaa, ha, ha, ha ... Janten Gelah lakar makatang negara Pancalane totonan. Batak ngabut panah cenik, nyangkling lima pasti sida baan Gelah. Aaaaaaaaaa ... ha, ha,ha,...Ne suba tengai... Gelah lakar majalan."
Prabu Kediri : "Ah, jawat iraga suba tua, makita masi ngadu nasib bareng masewamara. Saget-sagetan nyen Gelah ada Widi cenik. Ambat liangkenehe. Bakal adeng-adengin."
Kertapati : "Paman Preteka! Ne suba maileh alih I Adi Ni Nyoman Sekar tusing ngenah-nenah lawata! Ne
135
