Makudang-kudang Drama Bali
M. Dandanbela : "Cening ... dadi belesek-belesek apa karasa kuang. Belin I Dewa, anak dija?"
Galuh Ajeng : "Ngii ii, ii, ii, begala I Beli Agung, Aji. Ajaka ka alase, Aji. Bakal mati dogen suba, bakal mati ii, ii, ii ...."
Galuh Liku : "Kenken tooooo ...apa sedihang Cening?"
Galuh Ajeng : "I Beli juanga teken Ni Nyoman Sekar goba berek. Ngeeeeeeeeeee...."
Prami Galuh Liku : "Beli ...men yen suba kene, kenken Beli? Amongken tindih Beline ngokayang Ida, bela ring titiang Beli. Ne dong da bengong, cara togog Beli?
M. Dandanbela : "Adeng-adeng malu. Beli musti bela nyatiain pianak bes tuah abatu. Sakewala apa krana sangkan ada buka kene, apa krana?"
Galuh Liku : "Apa krana, apa krana? Lebih progresif anake makayun. Tungkul keto, meh suba bedah dadan Beline kena bedil.Bila perlu .........ambil tindakan tegas anake. Da kene keliad-keliud cara keong!"
M. Dandanbela : "Beh, cara keong ...sing keto, Adi Galuh. Sing dadi gegabah cara janine ngambil tindakan. Nyen ento katindak, apa faktorne, kayang situasi perlu tureksain. Ketawang Adi?"
Galuh Liku : "Beh batak soal Ni Nyoman Sekar, perlu lihat situasi. Saking Beli med teken tiang. Tiang magedi."
M. Dandanbela : "Nden, nden, nden (raris katambakin Ida). Paman Bela Sungkawa...."
Bela Sungkawa : "Titiang Ratu Dewa Agung. Nunas lugra, napi wenten sabeh wecana."
M. Dandanbela : "Kene Paman, alih ia Ni Nyoman Sekar! Ajak mai lakar ajar! Bani nemberang kawibawan Gelah. Alih enggal-enggal!"
Bela Sunkawa : "Boya tempal titiang Ratu BetaraDewa Agung. Titiang nglungsur mapamit ... ueeeeeeee ...
130
