Makudang-kudang Drama Bail
Raden Kertapati."
Sari : "Bih, nunas lugra titiang Ratu Anak Agung Putra." (Raris nyongkok nyaup cokor Idane).
Kertapati : "Aaaaaah... da keto Nyoman." (Tumuli Ni Nyoman Sekar kabangunang).
Preteka : "Da keto, Nyoman!" (Ki Patih saha guyon).
Kertapati : "Nyoman, sing buin gelah mengkeb-engkeban. Gelah demen teken Nyoman. Paman, ngudiang buin ka panagara Dewangga suba ada Nyoman Sari, ngudiang buin ngalih calon?"
Preteka : "Sampunang asapunika Anak Agung Putra. Iwang punika, a Ratu Dewa Agung Putra. Tumusang ngiring pangandikan Ajung Palungguh Cokor I Dewa sakewanten sampun ngamargiang,...boya sirapacang nentuang, taler Ratu ...sira ja senengin Atu nenten kabaos limpas punika."
Ni Nyoman Sekar : "Palih-palih punika pakayunane Ratu Anak Agung Putra. Titiang jadma nista. Anggan Ratu, manawi nenten sukil ngeniangrabi. Titiang nglungsur mapamit Ratu Anak Agung Putra."
Raden Kertapati : "Da bena keto, Nyoman! Nista, tan nista, anak mula di dewek tiange ento, Nyoman. Jawat ja ada anak mula jegeg ririh, lamun tiang tuara cumpu, ento sing lakar nemuang jodo."
Preteka : "Saja pesan buka pangandikan Ida, jegege mula matongos di demen anake. Keto masi kabaos mula cocok, anak di unteng keneh kayun anake Nyoman."
Kertapati : "Kene doen, Nyoman, Gelah sing apa nagih jawaban jani, keneh-kenehang malu. Nanging ada pangidih Gelah, anti tekan panglamar Gelah. KetoPaman, jalan terusang pajalane."
Preteka : "Ngiring, titiang kapungkur. (Lungan Idane Raden Kertapati ngawe manah ipun bimbang nyud kengin Ipun Ni Nyoman Sekar, apan prerain Ida waluya Sanghyang Semara nyalantara).
124
