Makudang-kudang Drama Bali
ngrauhin, ngisep sarining sang kembang".
Kertapati : "Paman, dingeh Paman? Dija anake magending. Beh, luung pesan suarane. Dingeh Paman?"
Preteka : "Napi ...? Manawi nampek jadmane punika. Angob titiang miragiang suarane riris maris."
Kertapati : "Yen amonto luung suarane, pedas jegeg anakne."
Preteka : "Sawiakti pisan Ratu Anak Agung Putra."
Kertapati : "Jalan tuunin, sambil mareren ngentegang keneh, Paman."
Preteka : "Durusang Ratu Anak Agung Putra."
Kertapati : "Adeng-adeng majalan, apang da katangehan, adeng-adeng! Toooo ...buin magending."
Nyoman Sekar : "Tan kocapan, I Sekar raris nundunin. Nunas kaledangan, dasarin ambu sumirip. Nistan I Kembang aturang".
Kertapati : "Paman ..... Buka panteg rasan atin tiange, Paman. Aliang tiang anake magending ento, Paman."
Preteka : "Ratu Anak Agung Putra, kengin iwang punika Ratu Anak Agung Putra. Nenten kelda kapengendikayang ring Ajung Cokor I Dewa rauh tangkil ring Ajine, jaga nglamar mingsikine."
Kertapati : Ento suba keto,Paman, sakewala .... Dadi nyedihin munyin anake luh ento, Paman? Jalan malu tatasin ento, dija ya anake magending. Kenken gobanne, uli dija kapo."
Preeka : "Ngiring! Titiang wantah mangiringang."
Kertapati : "Aduh,Paman, jegeg gati Paman. Pantes suba suarane nutdut keneh. Jalan takonin. Jero anak istri, sira kengin Jerone- Jero anak istri.
Nyoman Sari : "Dados Jerone nakonang pedewekan tiange, anak nguda."
Kertapati : "Anak nguda? Dados tiang mataken, Jero. Nenten nyen...?"
122
