Makudang-kudang Drama Bali
pedas ngiring pawecanan Ida?"
Sidapaksa : "Sangkan matakon, dong ke tuara pedas. Apa Paman maan arah-arah?
Sudiksa : "Legu tukung tuara ada. Da liu satua, jag majalan ka puri apang da kabenduan."
Sidapaksa : "Jalan,jalan!"
Wiratgama : "E, Paman, antiang main! Jag sing nawang unduk." (Pacelubcup reke Patih Tanda Mantri pada rauh tangkil, kengin dane Ki Patih Agung Adipati mirengang ngesengang karna nulia ngaraos).
Adipati : "Naaaa ... ne mara gegaen! Idewek nu dini mamancing, kulkul due ngebut. Lautan mara maan be tuah dadua. Ah bakal mulih dogen, krana yen panangkilan mula idewek minake mabuat. Melah suba lakar tangkil.... Yih...dadi mampakan kamare? Nyen bani kumah meten? Naaa ...dija panganggone? Keris kagungane sing ada. Ciri apa ya tenenan? Ah, bakal panganggone ene suba anggon, masa nyen Ida bendu. Bakal aturang sakadi-kadi." (Panangkilan sampun ebek, raris Patih Adipati wau rauh. Sami patih-patihe seosan kagaok antuk panganggon dane dekil purun tangkil. Ida Prabu M. Dandabela acereng abang pengaksine, daat merang nulia ngandika).
M. Dandanbela : "Patih Adipati ... Mula kene panganggon anake tangkil?"
Adipati : "Singgih, sugra pakulun ndawegang titiang matur uninga. Ngamanah titiang ngambil busana, raris nenten wenten ring pagubugan titiang Ratu Betara Dewa Agung."
M. Dandanbela : "Oooooo... sing ada? (Ida ngaJeroang). Men ene nyen ngelah?"
Adipati : "Niki sampun ...sira makta mariki Ratu Dewa Agung?"(Suara banget ajerih).
M. Dandanbela : "Nyen ngaba...?"(Kabiat-kabiat kalambet kengin Ki Patih Adipati).
116
