Makudang-kudang Drama Bali
Prabu Wardhana : "Adi, adeng-adeng malu, takonin malu ia anak uli dija kasujatiane ia? Ih, cai anak uli dija, nyen adan caine?"
Panji Raras : "Titiang Panji Raras, Ratu Dewa Agung. Saking panegara Sapta Patala titiang Ratu Dewa Agung."
Panji Wardhana : "Nyen ...nyen? Panji Raras?"
(Ida nyingak pepadan Ida)
Prami : "Ih, ne te jelema nista. Dadi joari pongah iba madan Panji? Tawang katuturan soroh Panjine, tawang?"
Panji Wardhana : "Anake magelar Panji...ento katurunan anak luih, turunan raja katawang cai? Nyen memen caine?
Panji Raras : "DewiLaksmi Ratu Dewa Agung." (Malih Ida nyingakin arin Ida, raris makayun-kayun, akuda ada DewiLaksmi).
Panji Wardhana : "Paman, kemu alih ia, ane madan Dewi Laksmi. Murang mai!" (Patih raris mamargi. Gelisang cerita Ida Prami katurang raris)
Patih : "Ratu Dewa Agung, puniki sane ndikayang Palungguh Cokor I Dewa."
Panji Wardhana : "Encen ia? Paakang! Panji Raras, ento nyen ento?"
Panji Raras : "Ibun titiang, Ratu Dewa Agung."
Panji Wardhana : "Ih, dadi nguntul? Nelengek ... tinggalin mai, tinggalin! (Ida daat angob-angob tur ngandika) "Ane encen beneh, Paman ...encen beneh Paman? Dadi bingung Gelah,Paman?"
Prami : "Titiang mara ya arin Palungguh Cokor I Dewa. Buktin ipun, putra makacihna."
Wiladanta : "Aratu D6wa Agung .... (Ida meling ring Patih kasayangan Ida)
Panji Wardhana : "Paman Wiladanta, makelo Gelah sing katepuk teken Paman. Ne nguda bencah keruh buka kene?"
108
