Leak Pemoroan
I
167
Mecik Gidat "Rahajeng semeng Jero Bendésa," "Inggih mawali rahajeng semeng, napi wénten gatra Pan Gentur?" kéto pasautné Jero Bendésa semengane totonan katekain tamiu ajaka dadua, ané besikan flu truna madan I Gedé Gabyug, ané binsikan suba tengah tuwuh madan Wayan Lepang alias Pan Gentur. Pan Gentur langsung macelep ka ruang tamu ajaka dadua, Jero Kelian ngeregang kursi nundén tamiuné negak maep-aepan. "Nah negak malu dini Bli Pan Gentur ajak I Gedé Gabyug, icang lakar manjus malu." Kéto Jero Bendésa lantas ka belakang. Sawatara apenginangan saget teka anak luh mokoh nampa naré misi duang cangkir kopi lantas jodoganga di mejane di aepan tamiuné. "Rarisang unggahang wedange." "Inggih suksma." Kéto pasautne sibarengan ajaka dadua, kuala tusing ja langsung nyiup kopiné, mapan anggah-ungguh anaké matamiu di Bali anak mula kéto apang tusing ngenah bes dot, apang ada nyang pang pindo pang telu tanjenina ngalih kopiné. Jero Bendésa macelep suba maséh panganggo. "Yéh, ngudiang antosang kanti émbon kopine, alih anaké malu." "Inggih Jero Bendésa, mangkin jagi tunas tiang." Nglaur jero tamiuné ngrosang kopi tur nyemak jaja gegodoh keséla canggola pada ma tebth. "Men kénkén bapa dadi tumbén teka mai lakar perlu apa tekén tiang?" kéto patakone Jero Bendésa sambilanga ngecesang colok ngenjit roko ngeblusang andus rokoné magulung-gulungan cara gelang ngamenekang ngaplug plafon umahné tur sempiar. "Sampuniki Jero Bendesa, sarauh tiange mriki wantah kanikang makta kupon, nunas tulung niki Jero Bendésa." Pan Gentur ngerekang tas pinggangne mesuang kartu bazar abendel misi satus bidang. Jero Bendésa nadak
