164
I
1 Wayan Sadha
ia pada tekun ngastiti ring Sang Hyang Embang, santukan Ida maraga wyapi wyapaka. Kema nyan Adi mulih, mayasa Adi mapekerti ané rahayu di guminé, bin pidan yen suba gilirane kawacén catetan surat adi ané karaksa ring Ida Sanghyang Suratma, ditu lakar kajemput ban keréta kalinggihin antuk genarwa lan widyadara-widyadari ." kéto pitutur kurenan titiange. Raris titiang dandana kasarengin antuk Anak Agung Aji Balian. Sasubané teked di Catuspata utawi Pempatan Agung, raris liman tiang lebanga tekén kurenan titiange. Kari Anak Agung Aji Balian sane ngisi liman titiange tengebot raris pajalané malékok ka kiwa lantas Agung Aji Balian mesat. Tembang kekawiné samar-samar dingeh tiang nyungsutang keneh, mara tiang kedat saget ada anak liu ngrunyung tiang di bale dangin. Pianak cucun tiange gerong-gerong ngeling masesambatan. Mara tiang maklisikan sagetang awak tiange suba marurub baan kain kasa, ento pratandané tiang suba maan mati. Nyama Banjaré nampiag di natahé kéto masih pragustin tiang pada pajlegjeg di samping tiange. Rurub tiange kaungkab sawiréh Tiang sampun mawali ka jagat sekala. Makejang anaké ané nelókin titiang masaap tur ngrunyung titiang di baléné suba mapanganggo sarwa putih pacang kakaput antuk kasa jagi kaarap ka semané ngungsi tongose ané paling mautama. Titiang bengong tusing ngelah keneh cara anak cenik mara lekad jeg tusing makita mamunyi, tusing makita matakon tekén sabatakin anaké ané ngrunyung titiang di bale dangin. Pianak cucu lan kumpin titiange nyagjagin makejang masebeng sebet madukan tekén sebeng kendel, Tiang ngerti tekén siptané buka kéto, sawiréh titiang sampun telubulan kayak-kayak di baléné nandang sangsarané tidong gigis. Titiang sampun akéh makéwehin nyah titiange, titiang ring baléné kayak-kayak tuara nyidayang bangun. Ané ngeranang titiang sebet tekén déwék sawiréh sampun makelo titiang ngarep-ngarepang mangda ledang sane neruwenang urip mancut atman titiange, sakéwanten sampun titiang prasida pesu uli kurungan titiange, malih
