152 | I Wayan Sadha
ajumé sane kasetir baan kenehé gede. Diapinké paliunin ngaliang satpam lamon budi satwam rajas tamasné tusing seimbang, amulapaké nges tongos pipisé, tuara ja prasida baan mingitang, mapan pipisé totonan suba ngrangsuk Sangyang Uyang. Yen ia ngoyong di brankasé jag makita nyemak, sasubané ngoyong di kantonge diapinké mawadah dompet misi ranté, jagja ia uyang makita macelep di batan kaképén dagange. Montor kijang meli panaduwanan, kijang kapsul besik tekén kijang super besik, kéto masi montorpit dadua. Sabilang dina pragat mamesu ngaba montor, yen apa kadén ané aliha tuara karwan munduk, pokokné sasukat totonan I Gumiyar kapah ngoyong jumah, jag pragat didurin setir montoré, cutetné tusing taén ngenjek tanah. Yen dadaharané anak singnu kanggoanga jukut don tuwi murab jawat jukut ané lenan pagaén Iuhné jumah, pragat ia makan di réstoran utawi di rumah makan padang. Yen ia nuju mamenggak jag setata Iiu ané ngrunyung di warung, cara buyunge ngarebut babangkaan. Mapan anak ia demen ajum, asing teka anaké nesek ia nginum bir, jag maan tréstésané, sangkala jag demen dogen ané ngelah warunge sawiréh ia bisa ngempug bir makerat-keratan. Yen suba ia makiré lengeh/mabuk, jag perajani ajumné pesu, nginum acepokang nuruhang bir ka bibihné gumanti telah abotol ané gede. Sasubané kéto timpal-timpalné ané ajaka nginum masuryak sambilanga andup-andup. Di mulihné setata ada dogen ané ngrarampa I Gumiyar mapan ia punyah, mani tengai tepete ia mara bangun srayang-sruyung pasaréané bek misi utah. Kéto suba pipise uyang tuara nyidayang ngandegang, mapan indriané bakat tuukin. I Gumiyar Tuara inget tekén idupné satondén madepan tanah anak ia dadi bendega, kuala jani sasukatné ngelah pipis blokir jag engsap tekén gaginané ané suba liwat. Karma palané mula tuara ja nyidayang ngungkulin, mapan mula abaaban manumadi di gumin. Pandikan anaké lingsir-lingsir imaluné mula saja seken-seken mabukti. Manusane ané tuna malajahang déwék katuntun olih indriya, indriyane anak celut cara lembu di alasé dengang tuara nyidayang ngejuk.
