Leak Pemoroan | 149
Lipia Ring Raga
Ring warsa pitungdasa lintang jagate ring Jimbaran kantun resem utawi kumuh. Jalan rurunge bek misi luhun tenggek lan bangken be pasih boone bengu marungarungan. Marginé pacrongkeh sawiréh dereng wénten maaspal hotmix, apabuin dugas totonan kondén ada jalan bypas jurusan Tohpati Nusa Dua, sinah jalané ané kuno nylantah di tengah désané sabilang dina sayan benyah, mapan sai-sai entasina tekén montor bis, tereké gede-gede
muat batu bukit teka uli kelod. Apabuin di masan ujan ujané. Yen rurunge ane jurusan kapasih salantang jalan resem, mapan nelayané dugas totonan tusing rungu tekén kebersihan lingkungan. Kalinganke bakal mersihin jalan
rurung, dugas totonan makejang wadésané tusing ngelah WC, makada ipun sabilang semengan magarang ngalih tongos ngutang ampas di sisin pasihé tekén di teba-tebaané di batan pagehané. Kéto masi di sétrané ia meju pajongkok tongosina tekén cicing wiyadin celenge. Di masan sasih ujané, liu ada oong bulan lan oong ingian pademplong di tongos anaké ngutang ampas, ento duduka anggone jukut, diapinké kotor tongosné mentik kuala tusing taén ada anak nyakitang basang ulian madaar oong ane mentik di tongos taine. Yen cara janiné liu anaké madaar oong bulan buka
totonan sinah liu anaké muntabér, mapan tusing cager teken kebersihané utawi tusing higienis. Lénan tekén kéto ané lumrah dahara tekén krama desané ané dadi bendega, tuwah bulung aliha disisin pasihé, ento lablaba anggona jukut. Jani sasukat pariwisatane ngrambah ring Kuta Selatan, krama tamiuné liu ngekost di umah-umah wadésané. Ento makada ada perobahan gaya hidup krama désa Jimbarane
ané pangupajiwane liunang dadi bendega. Kemajuan désa tuara ja nyidayang ngandegang, mapan anak mula setata ada dogen jelek melahné, sawiréh jaman globalisasi ané
ngaba aab wiyadin pakibeh gumi. Mula sengka nandangin
