Leak Pemoroan
I
117
Katibén Sengkala Semengane sawatara sinah-sinahé reriané nilak, ambarané abu-abu masawang barak muda misi ambu pajlompot mapinda wayang maguneman di bongkol langite bedangin. Di rurungé linggah ada montor bis gede-gede pesan matereg. Makejang pada nuunang tamu uli Jawa. Tamuné totonan murid-murid ané mara sajan suud ébtanas. Dane mabuaka ngungsi pantai Sanur ané mula kasub ring dura negara wiyadin ring manca negara. Truna-truniné ané tuwun uli montoré liunang nengteng pamotrékan magirang-girangan ia mlaib-laiban saling pamaluin ka pesisi. Sawiréh sunaran ainé suba endag sakéwala flu iidina tekan ambuné. Makejang murid lan guruné pada ngungsi tongos ane melah, ada ané nyongkok di batu karange, ada ané majujuk ngajak pasangane di duwur betoné ngelajur ka tengah pasihé cara kedis kukuré masanding di carang kayuné. Béh kebyahan lampu kodaké cara kebyahan tatit. Sesubané matan ainé ngamenekang jagate mabriak senang, langite nyalang sunaran matan ainé putih masawang kuning galang meglanaran. Ambuné di langite suba ngenah mapinda siksik he, kedas buka kasané. Pulau Nusa Penidané ngenah tinggar badangin, kéto masih di bucu kaja kangin Gunung Agunge mawibawa pisan muncukné kaputa tekén sayonge. Kios-kios dagang seniné suba pada mabukak di selantang pesisine. Torisé suba masih ada glindang-glindeng ngaja ngelod di aep kiosé totonan. Lénan tekén tamiuné uli mancanegara paglindeng ditu, liu masih nyama Baliné mula mabuwaka kapasih nginyah di biasO. Ada ané manjus, ada masih ané mula demen mameman dipasihé miribné basangné panes bas liunang madahar jaja kuskus ketan. Pengelingsire masih mula mabuaka nanem batisné kanti kabangkiang aji bias sambilang majemuh sunaran ainé kocap ngranang
