Leak Pemoroan
I
115
tusing karwan munduk. Mapan ipidan I Baglur nu cerik-cerik, tusing ya bani mrotés raramané karauhan buka kéto. Jani I Baglur suba teruna jagiran, sinah ya tusing takut tekén nyén-nyén, apabuin ia singdemen nepukin anak demen nguluk nguluk, ento makada dot pesan nyontoin karauhané I Lopyog. Dugas piodalané nemuningrarainan selikur galungané ané mara liwat, biin I Lopyog ngejer karauhan ngangkén-ngangkén katedunan Déwa Hyang. Yén ulidija kadén tekané I Baglur sagétang ngaba asep cina menjit acekuk ngojog I Lopyog sedengan katangkilin olih pemangku Ian kaluargané.
"Néja paling demena karauhan sabilang piodalan,
jani suba lakar contoin waké! Wake suba ngenjit asep apesel lakar suled bangkiangné, yén saja mula karauhan sinah ia tusing kebus." Kéto I Baglur mamunyi sambilanga nesekang ngancungin asep ndihné ngarab-arab. Kaluaragané ané tahu ditu makesyab ngajinang solahné I Baglur dadi tumbén bani buka kéto sing lakar ia salahang Déwa Hyang?
"Aduh! yén saja buka kéto sinah tundun déwéké
lakar makiolaran!" kéto gerenggengané I Lopyog di tengah kenehné, sagétang I Lopyog kipekané réngang, jag mancitan langsung melaib bah bangun selimputan mapan panangkilané bakat puuka. Beh jag rambug anaké ngaturang piodalan ulian sané karauhan nabyeng uli di sanggah, laritas tusing bani ngenah yén kija kadén lakuna mlaib. Uling sukat totonan I Lopyog tusing bani karauhan, yén nuju odalan setata ya kirig-kirig nguriang sambilanga ngalih selem keliré apang saru.
Ada masi kejadian di Désa Yéhkuning Jemberana
kudang tiban nemalu, dugas totonan nuju dina Buda Kliwon Pagerwesi. Wadésané ngaturang piodalan di Pura Dalem. Suba makelonné sabilang odalan Pan Torten setata karauhan, kuala tusing taén ada anak nawang, apa sekenné ané ngencegin karauhané Pan Torten, apeké ancangan Déwa utawi Batara sané malinggih ring Pura Dalem, kéto masi tusing taén seken apa ané kanikayang karauhané jag ngacuh, pragat karauhan sabilang ada piodalan. Ento makada wadésané tuara demen nepukin solahné buka kéto.
