Leak Pemoroan
I
iii
mapan kieteg bayuné tusing manteb utawi kesadarané nu tileh kagelut baan rwabinéda. Dikénkéné jero sadeg bisa masi dikarauhané ngandikayang piteket ulian bana ngipi dibisanja utawi kudang dina ané suba liwat. Kuala biasané koné sadege buka kéto anak suba meraga pawikan sanggup ngamatiang gigin api nganggon mantra, mapan anaké karauhan mula setata namping pasepan misi api baan kaubulu kebusné kaliwat. Ada masi anak karauhan ulian stres, ada ulian ngalih perhatian, ada masi ulian kepangluh mapan tusing nyidayang nanggehang pedihné bas keliwat utawi kangene kaliwat, karauhan anggona pelampiasané. Ada masi karauhan anggona lahan bisnis ngandelang sarana sugésti, kanti masang pelakat ngangken dadi tukang ngaé anak apang bisa karauhan. Karauhan jaman jani anak suba ngetrén di jagat Indonesia, tuaraja di pantaran jatmané ane percaya tekén kaniskalan dogen, kanti masi nylupsup ka jagat modern awanan liu murid-muridé karauhan masal di sekolah sekolahan makada guru-guruné kéweh nyéta, apake muridé ulian stress tusing nyidayang memecahkan papelajahané ané ruwet, utawi bisagen muridé totonan mula ngaba stress uli jumahné teked di sekolahan dadi kesurupan lantas nglalain timpal-timpalne ané jiwane lemah utawi ganjih. Kuala biasané yen kejadiané ada di Bali sinah suba tongosé oranga tenget, jalan keluarné sinah mapinunas ke Balian Peluasan utawi ka paranormal. Kuala ané ngranang kenehé sebet mapan liyu masi anaké dadi korban ulian uluk-uluka tekén praktik kebatinan ané ngangken-ngangken sakti mandara guna, ngaku nawang déwa, hisa berkomunikasi tekén para déwa, kuala sejatinne anak ia ngalih popularitas, tanggun-tanggune nagih jinah.
Ada anak keturunan China Babah ngoyong di gangne Nang Kocong, sai-sai karauhan tuaraja ngitung lemah jawat peteng. Yén-ya karauhan jag kraik-kraik, gending-gending, gelar-gelur, dikénkéné ngeling sengi-sengi. Anaké ané paek
ditu jag gritinan merasa terganggu. Sesubané peluasanga koné anak ia kapingit déwané uli jagat Cina. Sesukat dinané totonan wargan sorohné pada teka ngemang sumbangan anggona ngae Konco. Jani ia praktik malianin ditu, ada
