Leak Pemoroan I 101
ngusud genah sané pingit-pingitanga tekén luh-luhé, kuala liu pesan pasiéné ané luh-luh demen murut kema, miribné sabatakin ané demen murut kema totonan mula mabuaka ngalih balian demen ngarangsang kasmaran. Yén disubané pasiéné suud mapijet di mapamité apang harus menghadap tekén jero balian, sasubané jero baliané maan ngerapé-ngerapé tangkah lan nyonyon pasiéné, maradadi mulih, ento koné pinaka panyengker raga apang selamet dijalané ngamulihang. Sawiréh Mén Kocong anak boyaja jelama buang, mara pingtelu nunas tamba, sagétang ngorang suud tekén muaniné. Nang Kocong kresep tekén keneh kurenané, sinah suba taén kadén grapéna laklakné Mén Kocong sangkala ia tusingnyak biin mapijet kema.
Mula teeré sinah lakar nepukin ané arepanga, diapinké Nang Kocong suba liu pesan nelasang prabia jawat galah ané anggona ideh-ideh ngalih balian, kuala sinah ada wanengné lakar tepuk. Kétomasi diapinké subaliu pesan Nang Kocong matemu balian ané morta saged, kuala makejang totonan tuara mrasidayang nyegerang penyakitné Mén Kocong. Yén cara raos pangelingsiré diapinké liu matemu balian sakti lamon tusing pas wiyadin jodoh utawi tusing mapreguruan, sinah tusingada ané prasida nyégérang penyakitné Mén Kocong. Pengalamané Nang Kocong boyaja setata jelék, kuala ikmahnyané liu melahné, liu ada paplajahan ditu, liu ada wawasan ditu, kéto masi liu dadinné ia ngelah paswitran. Di Sobangan taén masih ia ngajak kurenané mauwut sig balian uwuté ané madan Pan Kembar, kuala tusing masih nyidayang nyegerang kurenané.
Ring patengahan tahun 2005 Nang Kocong kabenengan maan kasét vidéo kiriman anak ilmuan peneliti uli Perancis. Kabenengan Nang Kocong milu ngiwasin tayangan vidéoné totonan, ditu lantas Nang Kocong makleteg bayunné ngiwasin tayangan vidéoné ada balian pijet uli di désa Sulahan Kecamatan Sutsut Bangli. Baliané sedekan mijet pasiénné. Baliané madan Pak Jero,pawakan ragané bentir kuala tekek, rasané tusing cocok tekén yusané suba satus tiban lebih bayuné nu kereng. Nto makada Nang
