KIDUNG PANJI SUMIRANG, GERIA GDE BALAYU.2
1b| Wus munggah ring rattagni/
sigra lumampah,
tan kawarnéng awan,
samma prapta ring luwur,
ring sukun nikang ukir,
tumurun anglanglang kalangun,
sang paraputri adulur,
mwang paratarubbhan,
tan doh Sri Pramiswari,
lumampah adudon dumulur,
munggah maring sukunning gunung. 8.
Lumangka-langka lumaris,
2a|angirid ring geger anglunang,
ambarang-mbarang ing raras,
lurus nikang wentis,
mamlating asta malurus,
lagi kalukaran jamang,
katon asuswarupit,
n-yu-danti erang ajrih maruru. 9
Lurunning ulat lumaris,
wéthing anyar lakwa darat,
sinarwya ngahal-ahal kembang,
puji raras asti,
tumulya maharjaglung,
sinu sur-susur ing kembang,
rupan niranggrawit,
lumaris prapta ring guung Mungsu. 10.
Lumaku ring slanning ukir sé-/
lan-ya anjrah,
lunyutning watu turiddang,
anggriweddi watu turiddang,
anggriweddi lumaku,
anggigi-igitti wentis,
wus prapta ri dalan weiyar,
ana ta sella kadungus,
kahebbhan erejasha,
pinaran de sang putri,
lumpapah sarrwi anglanglang kla-/
ngun,
mulat arumening sakacakshu. 11.
Manghamulatti puspa lit i-/
ringi jurang,
anjrah kinarangan,
kahebbhan de'n ing ungu,
iringanning raras ati,
tunda kkawor ring turangganna,
prasamma ashen sntun,
2b|tinubbhing andilla,
brambaranggrang anggring-nggring,
ruruning puspa lwir gumuntur,
attali-ttali ya tta tumutun. 12.
Sang Dyah sukahangulatti,
cétin-ya prapta atur sekar,
rarashati mwang kalakshonna,
katur ing Sang Putri,
wus ayas sira lumaku,
anut ering rupitning lirang,
mara ring geger angginggil,
wus prapta pwa ya ring rannu-/
agung . 13.
Umulat ering rumning warih,
kadya talla asuguh raras,
trenangkuran-yanjrah asinwam,
iringi irim-irim,
bresikka andulu-dulur,
angijing-ijing lumarap,
nempuh pinggul angijing,
pagha lo citta mutlak iya mumbul. 14.
Prapta sang manukwa liwis/
anarasah,
tinut den ing serasah,
masyang mayong dumulur,
angijing-ijingi warih,
sumaseh ing tallang-tallang,
anamungguh ring parukpung.
iyan munggwing parangan,
tuhu iring ing warih,
liwar sukan ikang parawadu,
nduli lumampah adulur. 15
