kedas, kaget macempleng Anake Agung Istri ngandika sarwi ma- tujuhang payuke ento.
"He, cenik mungil buin kedas" Mare keto pangandikan rabine,
tengkejut Ida tur ngandika, "Yeh adi tusing ja kasadiane dadi alih.
Engsap adi teken pangandikan Ida Betara. Ah gantin deweke lacur".
Suud keto nglantas Ida mamargi, kairing antuk raine, kayune tan
mari engsek.
Gelising satua, rauh suba di tepi siring negaranidane, lantas
kapendak ban panjak Idane makejang. Sarwi ngaba gong, cendekan.
Baris gede pada mendakin Ida, kulkul madengdang. nyiriang Sang
Prabu suba rauh. Makejang pada girang kaulanida, ada tusing
mabaju mlaib ka rurunge, ada gambah-gambah, ada nyangkil pianak
nu pusuh, ada nengteng semprong, wireh sedek ngupinin api, ni-
ngeh uyut di rurunge, ane sepanan mlaib pesu ada ngragas tembok
kanti telah gempih tembokne. Ah liu yan tuturang lingkah anake
mabalih.
Kacrita Sang Prabu suba rauh di purian, sausan Idane ma-
siram kalih ngrayunang. lantas Ida medal, katangkilin baan baudanda-
ne makejang. Pepatih Idane lantas matur, "Inggih Ratu Sang Prabu,
sampun amunika suen Cokor I Dewa lunga nangun kerti, ne
mangkin sampun wenten waranugrahan Hyang.
Ngandika Ida Sang Prabu, "Beh, kene paraan, nira suba ka-
paicain, kewala ke jeneng tusing dadi nira maan kasukan nulus.
Teka ada dogen gegodan di jalan, dadi sadia tan sadiane nira luas
nangun semadi". Sampun puput Ida ngortaang, saunduk-unduk
Idane nangun kerti, uli pangawit tekaning pamuput, lantas matur
buin I Patih, "Inggih manawi sampun tuduh Ida Sanghyang Kawi
asapunika. Inggih yan wantah dados, usanang sampun nyungkanang
punika. Yadiapin asapunapi antuk, yan sampun pagantosan sinah
kapanggih".
Ngandika Ida Anake Agung, "Ah, sing ja nira ngewehang
ento sanget. Saja tuah buka munyin pamane, gantine tusing dadi
kelidin. Maan, sapakalah nirane kenken jenenga unduk gumine
makejang?"
Matur I Patih, "Matur sisip wantah rahajeng sawengkon Cokor
I Dewa".
Gelising satua yan kudang bulan kapo, lantas mobot Ida Anak Agung Istri, tur bobotanidane suba wayah. Nuju dinane melah
91 -