miasa mamati raga. "Bah ne ne ngawanang Suargane kebus. Ida
Sang Prabu Daha sih ne. O, ne rabinidane pada sareng", keto
keneh I Goake sambilanga nglingling ragan Ida Sang Prabu maka-
kalih. Suud keto lantas makeber Sang Gagakpetak mlipetan ka
Suargan, ngaturang unduke ento teken Ida Betara Siwa. Ditu Ida
Betara ngandikain Sang Kalimandu, kandikaang ngoda yasan Sang
Prabune. Mara teked Sang Kalimandu di pakertinidane, lantas
ceburanga ibanne uli punyan baingine, ulung di pangkonan Ida
Anake Agung. Nanging Ida masih langgeng pesan teken yasa.
Tusing ja makejehan nyang agigis. Lantas aliha Ida Anake Agung
Istri, plisahina raganidane ban Sang Kalimandu, nanging masih
tuara meiutang apa. Dening suba kanti kenyel Sang Kalimandu
ngoda Ida sang makerti, masih tuara mintulin, buina suba sanja,
lantas mlipetan buin ia ka Suargan. Katuturang teken Ida Betara
buatne ia tuara mresidaang ngoda, Ditu buin Sang Lelipi Lemputu
kandikaang tuun ngoda. Nanging masih patuh buka unduk Sang
Kalimandune tuara melutang apa. Dadi Ida Betara nglunganin.
Ida nyuti rupa dadi Pranda putus. Serauh Idane ditu lantas Ida
mlinggih di pucak baingine sari nguncarang weda. Buin akejepne
lantas ujan bunga muah sarwa miik-miik. Doaning keto, lantas Ida
Anake Agung nglesuang kerti, sarwi Ida muspa tur matur ring Ida
Batara, "Inggih Ratu Batara, titiang ngaturang sembah ring Palinggih
Betara, kenak Cokor I Dewa ngiangin titiang, dening wenten sane
lungsur titiang ring Palinggih Betara".
Ngandika Betarane, "Maan apa buin kuangan, suba amonto
kasukan Sang Prabune, jani apa buin katagih".
Matur Sang Prabu, "Wiakti katah pisan sampun suecan Cokor
I Dewa ring titiang, sakewanten sane asiki, manik majalan Cokor
1 Dewa durung ngicen titiang. Inggih yan wantah Palinggih Betara
ledang punika lungsur titiang".
"Bah saja ento nu engsapin nira micaang. Nah jani nira asung,
kewala Sang Prabu apang pageh, yadin rabine pada. Nyanan, apa
ja tepuk dijalan, da pesan papak sambata. Ne lekesan daar pada
mabesik, kewala da kecuhanga peesne, led abete ento makejang!"
Suud Ida Betara ngandika keto, lantas Ida musna.
Kacrita sasubane Ida Sang Prabu suud nunas waranugrahan
Ida Betara, lantas Ida mamargi ngamantukang sareng rabinida, tan
mari ledang kayun sang kalih. Kasuen-suen Ida mamargi lantas
manggihin setra. Di semane ento cingakina ada payuk cenik tur
- 90 -
