purine misi punyan bingin. Bulun siape nglantas macelep, lantas ia
nengil di batan bingine. Mara bulun siape ento teka, Ida Betara
Siwa suba uning, lantas Ida ngandika taken anake cerik, "Ih cai,
to bapan caine jenenga teka, kema delokin pesu ma!" Anake cerik
ento ngenggalang pesu mapagin bapanne, tepukina negak di batan
punyan bingine.
I Bagus Diarsa lantas ngomong, "Yeh Cening kelih lan suba.
Tusing taen delokin bapa. Men dija kubun anake tua?"
Panakne lantas masaut, "Eh anak tua apa, Betara Siwa ento,
jani Bapa kapangandikaang ngajeroang tangkil !" Suud ngomong keto,
lantas bapanne kaateh ngajeroang. Ida Betara Siwa lantas ngandika
sinambi ica, "Ih cai Bagus Diarsa, cai mara teka?"
I Bagus Diarsa lantas matur, "Inggih titiang wau pisan, Ratu
Betara".
Ida Betara malih ngandika, "Nah lamon keto ja kema alihang
ibane nasi malu! Nyanan pilihin men siape! I Bagus Diarsa lantas
nyumbah, tur mapamit lakar nglungsur, atehanga teken pianakne.
Ia ko baanga nasi tuah akepel, misi be tuah abedik, masih misi
jukut tuah abedik. Sabilang nasine daara, nu buin akepel. Makelo-
kelo kanti betek basangne, nanging nasine nu masih ambulto. Sa-
subane ia suud ngalih nasi bin ia nangkil teken Ida Betara. Ida
Betara lantas ngandika, "Nah kema ne cai iwasin siape, ane encen
ja demenin, juang!" I Bagus Diarsa lantas mapamit sambilanga
nyumbah. Ditu tepukina siap tetelu, makejang melah ulesne. Tusing
makelo lantas makruyuk abesik, "Bek, bek kukuruyuk, tiang menang
ping molas". Buin kejepne ane lenan, "Bek, bek kukuruyuk, tiang
menang ping solas". Buin kejepne ane lenan, mamunyi, "Bek, bek
kukuruyuk tiang ngalahang Sang Prabu". Siape ane makruyuk
tanggu duri katlektekang pesan ulesne. Sasubane ia waspada. lantas
ia tangkil ring Ida Betara. I Bagus Diarsa lantas matur, "Inggih
Ratu Paduka Betara, titiang nglungsur ayam duene asiki, sane ma-
tekep pinih lera".
Ida Betara lantas ngandika, "Nah juang!" Sasubane makelo
ia tangkil, lantas ia nunas mapamit.
Ida Betara malih ngandika, "Ih cai Diarsa, kema to alap
bungane di mrajan, to anggon toh!" I Bagus Diarsa matur sairing,
tur raris ia ngalap bunga, bongkosa baan saputne. Dimakire ia ma-
jalan, Ida Betara buin ngandika, "Ih Diarsa, kema ambahin beneng
kauh, da cai malekok-lekok, teked suba cai jumah".
-86 -
