luh masagi. Anake odah lantas katurin sagi, lantas anake odah
ngomong, "Eh, mai te cening bareng-bareng dini madaar, apanga
liangan keneh pekake agigis". I Bagus Diarsa, kurenanne, lantas
ditu bareng-bareng madaar.
Sasubane suud madaar, lantas ne luh epot nampedang dulang
teken piringne. I Bagus Diarsa nu ditu ngenemin anake odah.
Anake odah ngomong, "Ih cening, kenken i tuni matajen?"
I Bagus Diarsa ngomong, "Tiang kaon tigang atus".
Anake odah ento buin ngomong, "Cening, sai-sai matajen
kuda cening ngelah siap?"
I Bagus Diarsa buin ngomong, "Tiang sai-sai ja katajen,
nanging pepesan kalah, jani apa tiang tusing ngelah. Yen siap ja
tiang mula tusing ngelah".
Anake odah buin ngomong, "Nah, buin pidan cening mlali
nyen ka kubun pekake, pekak ngelah siap tetelu, ne encenan ja
juang cening".
I Bagus Diarsa lantas masaut, "Inggih benjangan naen ja tiang
lakar mlali mrika, nunas ayam napi asiki". Anake odah teken I
Bagus Diarsa makelo mapaomongan, kanti kenyel ane luh ngantos-
ang. Makelo-kelo anake odah buin ngomong, "Ih cening, cening
ngelah pianak?"
I Bagus Diarsa buin ngomong, "Inggih wenten wantah adiri,
nanging kantun alit".
Anake odah ngomong, "Beh, apa pekak jumah padidian pesan,
buina pekak suba tua, baang ja pekak ngajak ka kubu, apang ada
tunden-tunden pekak".
I Bagus Diarsa buin ngomong, "Inggih ambil, yen ipun
sampun nyak, tiang ten ja nombaang". Sambilanga ngomong keto,
lantas pianakne jeritina, "Ih, Cening".
"Tiang", masaut pianakne.
"Mai ja malu ! Tusing makelo teka pianakne. I Bagus Diarsa
lantas ngomong, "Ih Cening, Cening idiha teken anake odah, lakar
ajaka ka kubu, kenken cening nyak?"
Pianakne lantas masaut, "Inggih yen sampun saking Bapa,
tiang tusing ja bani tulak".
I Bagus Diarsa buin ngomong, "Nah yen suba cening nyak,
buin mani cening ngiring anake odah ka kubu!"
Sasubane anake cerik ngiring, lantas anake odah buin ngomong,
-83 -
