16. BAGUS DIARSA
Ada orah-orahan satua I Bagus Diarsa, ia anak bebotoh,
nangingke ia tiwas pesan. Sai-sai ia matajen, nanging sing taen
magelar liu.
Sedek dina anu ia matajen ka bancingah, magelar tuah samas.
Sasubanne tetajene makire suud pipisne tuah satus dogen. I Bagus
Diarsa lantas pesu uli kalangan tajene, ngojog sig dagang nasine.
Sedeng gatina ia madaar nasi, nget teka ada anak tua ka tajen.
Anake tua ento berung tur bonne bengu pesan. Makejang anake
ngedesem, tur pada nekep cunguh mara ngadek bon anake tua ento.
Anake tua ento ngomong jog sig tongos I Bagus Diarsane madaar.
I dagang nasi Iantas nekep cunguh krana tusing duga baana ngadek
bon anake tua ento. Anake tua ento Iantas ngomong, "Jero, jero,
icen ja titiang nglungsur carikane akidik, mangda nyidaang titiang
ngraris mamargi".
I Bagus Diarsa lantas masaut, "Nguda carikan arsaang jerone,
mriki munggah, tiang tumbasanga ragane ajengan".
Anake tua ento buin ngomong, "Nenten, kanggeang titiang
lungsuran jerone".
I Bagus Diarsa Iantas masaut, "Sampunang ngarsaang carik-
an titiange, Jero dagang nasi baang anake odah nasi dasa kayang
kebe!" Anake odah Iantas bareng-bareng madaar. Sasubane pada
suud madaar Iantas anake odah ngomong, "Jero, apa tiang oon
pesan, icen ja tiang madunungan".
I Bagus Diarsa masaut, "Inggih ngiring". Anake odah lantas
ka ajak kumahne, I Bagus Diarsa lantas ngomong teken kurenanne,
"Men Ceninge, kebatang tikehe ma! Anake odah lakar madunung-
an". Kurenanne ngenggalang ngebatang tikeh, lakar tongos anake
tua negak. I Bagus Diarsa buin ngomong, "Men Cening. nu ada
baas?"
Kurenanne masaut, "Apa sing ada nu, maan nganggeh baas
amonto suba jakan baang i cening".
I Bagus Diarsa buin ngomong, "Nah yan sing nu, kema meli
baas aji seket, to siape nu aukud to tampah!" Kurenanne ngenggal-
ang meli baas, tur ngejuk siap lakar tampaha.
Jani kacritaang suba peteng tur nasine suba lebeng, lantas ane
- 82 -