15. MEN TIWAS TEKEN MEN SUGIH
Ada tuturan satua Men Sugih ajaka Men Tiwas.
Kacrita ada anak madan Men Tiwas, ngelah pianak dadua
luh muani, ngelah ia pisaga madan Men Sugih, masih ngelah pi-
anak dadua luh muani. Men Tiwas, tiwas pesan, gegaenne ngalih
saang, adep-adepa ka peken. Pamelin saangne totonan uupanga
baas. Yen tuara maan madepan saang, tulus ia tuara nyakan, sa-
wireh tusing pesan ada gegaen lenan ane sedeng angkuhanga. Men
Sugih, sugih pesan, rasa apa ko tuara kuangan. Nanging ke ia
banggi, loba, pestad teken anak lacur.
Kacrita sedek dina anu. Men Sugih ngunya kumah Men
Tiwase. Teked ditu dapetanga pianak Men Tiwase ngeling nagih
nasi, sawireh uiing ibian tuara madaar. Ditu lantas Men Sugih ma-
takon teken Men Tiwas, "Men Tiwas dadi depin pianak nyaine
ngeling nagih nasi, kenken nyai tonden nyakan?"
Masaut Men Tiwas, "Apa ja jakan icang, kadirasa baas abatu
tuara gelahang. Ngadep saang tuara payu. Embok nyak meli saang
icange?"
Masaut Men Sugih, "Oke sing meli saang. Saang okene te
ngebekin glebeg. Lamun nyak ja nyai ngalihin oke kutu, nyanan
upahina ja nyai baas acrongcong!" Nyak lantas Men Tiwas ngalih-
in Men Sugih kutu.
Kacrita suba ne suud, upahina kone Men Tiwas baas a-
crongcong. Prajanian lantas tepenga teken Men Tiwas. Mara Men
Tiwase nitisin tepengne, kacrita Men Sugih genitanga sirahne, mara
siksika, kaget makatang panak kutu abesik. Ditu lantas Men Sugih
ngenggalang ngalih Men Tiwas ngedengang kutunne.
"Men Tiwas, Men Tiwas! Kenken sih Men Tiwase ngalihin
kutu. Ne oke maan kutu buin abesik. Mai ulihang baas okene!"
Masaut Men Tiwas, "Baas emboke suba tepeng icang, ne apa
mara icang titisin".
"Suba matepeng ja baas okene, tepeng bakal juang oke".
Juanga kone lantas tepengne luting payukne gosonga teken Men
Sugih abana mulihne. Teked jumahne lantas breokanga di amah-
amahan celengne. Men Tiwas cengag ngajak pianak somah ngeling
paclenguk, kangen teken dewek lacur.
- 79 -
