Matur I Pucung, "Inggih wenten Ratu Dewa Agung. Asa-
puniki wecanan Ida Betara ring titiang. Ih iba Pucung, kema atur-
ang wacanan gelahe teken gustin ibane buatne nira ledang lakara
ngicenin Ida kaluputan, mangdene gumine karahayuan, nanging yan
Ida kayun ngaturang okane, Ida Raden Galuh teken nira. Asapu-
nika pangandikan Ida Betara ring titiang. Inggih sane mangkin
asapunapi pakayunan Palungguh Cokor I Dewa, dening asapunika
pakayunan Ida Betara?"
"Nah yan aketo pakayunan Ida Betara, anake buka nira sing
ja bani tulak teken pakayunan idane. Sakewala gumine kerahayuan,
nira dong ngaturang dogen. Da buin mara abesik panak nirane
karsaanga, kadong makadadua, nira lakar ngaturang". Ditu ngendel-
ang dogen kenehne I Pucung dening lakar kaisinan idepne nganggon
Raden Galuh kurenan.
Matur buin I Pucung, "Inggih yan asapunika pakayunan
Palungguh Cokor I Dewa, margi rahinane mangkin ratu, aturang
ida, anak Cokor I Dewa ring Ida Betara mangda gelis Ida rauh,
titiang ja ngiringang Ida, jaga aturang titiang ring Ida Betara Dalem".
Ditu lantas Ida Sang Prabu ngandikain parekane ngandikaang
ngaturin okane lanang Ida Raden Mantri, kandikaang ngapuriang.
Ida Raden Mantri sedek kone di jabaan. Majalan lantas i parekan
ka jabaan ngaturin Ida Raden Mantri. Ida Raden Mantri raris
ngapuriang tangkil ring ajine.
Ngandika Ida Sang Prabu, "Cening bagus, nah ne jani bapa
ngorahin cening, buatne arin ceninge karsaanga teken Ida Betara
Dalem. Bapa ngaturang i nanak Galuh teken Ida Betara, dening
bapa tuara bani tekening anak tuara ngenah, buina pang gumine
kerahayuan. Yan bapa tusing ngaturang i nanak Galuh, pedas rusak
gumine. Men cening kenken kayune?"
Matur Ida Raden Mantri, "Inggih yan sampun asapunika pa-
kayunan guru aji, titiang tan panjang atur malih. Ledang te pa-
kayunan guru aji kewanten".
Dening aketo aturne Ida Raden Mantri, lantas I Patih kan-
dikaang nuunang peti lakar genah I Raden Galuh Sasubane Ida
Raden Galuh magenah di petine, lantas petine kancinga tur sereg-
ne tegulanga di duur petine.
Ngandika Ida Sang Prabu, "Ih iba Pucung, nah ne suba
pragat i nanak Galuh mwadah peti, kema suba tegen petine aba
ka pura Dalem aturang i nanak Galuh teken Ida Betara. Ne serege
- 74 -
