kandikaang makta ka pura. Tiang mapamit dumun abosbos jaga
kayeh", aketo baana melog-melog Jero Mangku teken I Pucung,
lantas ia ngenggalang ka pura Dalem tur ngenggalang macelep sig
gedonge ane tanggu kelod. Sawetara ada suba apanginangan ia no-
ngos ditu, rauh lantas Jero Mangku makta banten tur ngojog sig
jalan I Pucunge ngoyong. Ditu lantas Jero Mangku ngaturang banten
tur nunas teken Ida Betara mangdene gumine di Koripan karahayu-
an.
Sasubanne Jero Mangku suud ngantebang, ngomong lantas I
Pucung uli di jumahan gedonge. Mapi-mapi ia dadi Betara, kene
kone munyinne, "Ih iba bapa Mangku, nyen nunden iba mai matur-
an, nunas kaluputan teken nira?"
Masaur Jero Mangku, "Inggih titiang kandikaang antuk pramas
Palungguh Betara, Ida Sang Prabu nunas kaluputan ring Palungguh
Betara, dening pantune wau embud puyung kalih asune wau lekad
ipun buta".
Buin ngomong I Pucung, "Ih iba bapa Mangku, nira ngiangin
lakara kaluputan nanging yan Ida ngaturang okane Ida Raden
Galuh". Dening keto munyin I Pucunge kadena pangandikan Ida
Betara, dadi budal lantas dane. Teked di jabaan purane mreren
lantas dane di batan punyan baingine, sambilanga dane ngantiang
I Pucung.
Buin akejepne pesu lantas I Pucung uli gedonge turjagjagina
Jero Mangku lantas ia matakon, "Men, sapunapi Jero Mangku,
wenten minab wacanan Ida Betara?"
"Kene to, Ida Betara lakar ngicen Ida Sang Prabu kaluput-
an, nanging yan Ida Sang Prabu kayun ngaturang okone Ida Raden
Galuh ring Ida Betara.
"Men, mangkin asapunapi pakayunan jerone, dening asapunika
wecanan Ida Betara?"
"Nah melah suba cai kema ka puri ngaturang teken Ida Sang
Prabu pangandikan Ida Betara. Bapa sing ja bareng kema, reh
jumah ada tamiu ngantiang". Dening keto pangandikan Jero Mangku,
dadi kendel pesan kone I Pucung, dening guguna pamunyin gelah-
ne teken Jero Mangku, tur lantas ia majalan ngapuriang.
Sasubane I Pucung nganteg di purian, ngandika raris Ida Sang
Prabu, "Men kenken Pucung, ada pawecanan Ida Betara tekening
iba, tegarang tuturang apang nira nawang?"
-73-