ipun jagi tangkil ring Palungguh Cokor I Dewa". Ngandika Ida
Sang Prabu, "I Pucung ento apa kone ada buatanga ia teken nira?"
Matur sisip titiang Ratu Dewa Agung, antuk punika tan wenten
pisan titiang uning".
"Nah lamun keto, tunden suba ia mai!" Ngajabaang lantas
parekane ngorahin I Pucung tundena ngapuriang. Majalan lantas
I Pucung ngapuriang. Sasubane neked ditu, lantas ia mamitang
lugra ring Ida Sang Prabu.
"Ih to iba Pucung, apa ada buatang iba mai?"
Matur I Pucung, "Inggih matur sisip titiang Ratu Dewa
Agung, wenten tunasang titiang ring Cokor I Dewa".
"Nah apa Pucung"
"Inggih sapunapi awinan ipun pantune sane wau embud dados
ipun puyung, kalih asune wau lekad dados ipun buta?"
Ngandika Ida Sang Prabu, "Ento kenken nyen kaden nira
awinanne, nira sing pesan nawang. Men yan cai, kenken awananne
dadi keto?".
"Antuk punika taler tan kamanah antuk titiang, Nanging yan
banggayang Cokor I Dewa asapunika kewanten, kamanah antuk ti-
tiang gelis jaga rusak jagat druene".
"Men jani kenken ben madaya, mangdene gumine tusing uug?"
"Inggih yan manah titiang saking tambet, becik mangkin
karyanang banten paneduh aturang ring Ida Batara Dalem. Manawi
wenten kasisipan Palungguh Cokor I Dewa wiadin panjak-panjak
Palungguh Cokor I Dewa, mangda sampunang Ida Batara banget
menggah pamiduka".
keto ja keneh caine, keme negarang neduh ka
pura Dalem. Sing ada kapo pakayunan Ida Betara teken nira, nira
lakar rigiring dogenan. Nah antiang dini malu akejep, nira nu nunden
panyeroane ngae banten. Apang nyidaang maturan dinane jani,
kadonga jani tumpek. Yan suba pragat bantene, cai men ngaturang
ajak I Mangku Dalem ka pura!"
"Inggih", keto aturne I Pucung.
Gelising satua, sasubane pragat bantene, majalan lantas I
Pucung nyuun banten, ngojog kumah pamangkune.
"Jero mangku, Jero mangku, tiang nikaanga mriki ring Ida
Sang Prabu, ring pura Dalem. Samalihipun banten puniki jerone
-72-