aneh, mesu lantas gelang slaka. Suba pepek panganggonae I Kesuna
makejang mas sajawining kamben baju, makeber lantas I Crukcuk
kuning. Kacrita suba kone peteng, lantas I Kesuna mulih kumah
memenne, dapetanga jlananne suba makancing. Ditu lantas ia kauk-
kauk nagih ampakin jlanan, "Meme, Meme, ampakin icang jlanan!"
"Nyen ento kauk-kauk, I Kesuna, jabin tomplok tendasne aji
blida, kema siga makaad", keto abet memenne, buin kone I Kesuna
makaukan, "Bapa Bapa, ampakin icang jlanan!"
"Nyen ento, I Kesuna, jabin tomplok tendasne aji tambah".
Buin kone masih makaukan, "Bawang Bawang, ampakin ja oke
jlanan!"
Masaut I Bawang, "Nyen ento I Kesuna, gediang ibane, nyen
payu tomplok tendasne aji pabungbungan".
Dening makejang tusing nyak ngampakin, ada nagih nomplok
aji blida, aji patin tambah, ada ane nagih nomplok aji pabungbung-
an, magedi lantas I Kesuna ngojog kumah dadongne. Ditu masih
dapetanga jlananne suba makancing.
Makaukan lantas I Kesuna, "Dadong Dadong, ampakin icang
jlanan!"
"Nyen ento kauk-kauk?"
"Icang cucun dadonge I Kesuna".
"Nah enden malu, dadong nu ngenyitin sembe, ampakina lantas
I Kesuna. Klecek gedembuang. Mara nengok I Kesuna, ia aeng
tengkejut dadongne.
"Ne dija nyai maan kene-kene, makejang sarwa mas". Suba
pada negak, tuturanga lantas undukne uli panyumu teken dadongne.
Cengeh-cengeh dogen dadongne.
"Nah lamun tera tampina nyai teken meme bapan nyaine, dini
suba nyai nongos ajak dadong", keto kone abet dadongne.
Kaceritanan mani semenganne, I Bawang makiken nyakan,
ngidih kone ia api kumah dadongne. Mara ia neked ditu, dapet-
anga lantas I Kesuna negak di ampike nganggo mas-masan, enggang
lantas bungutne I Bawang baan ngonne. Matakon I Bawang teken
embokne, "Kesuna, ne dija nyai maan panganggo kene?" Tuturanga
lantas unduk dewekne ngutang-utang iba teken I Bawang, nepukin
- 58-