awakne pesu getih.
"Kema gediang iban sigane ubuhan, da siga mulih-mulih. Kai
suba med mapianak teken iba, ubuhan. Yan lejeh iba mulih, lamun
sing nyalnyal tendasne baan ngagelin, da adanina kai jlema", keto
abet memenne tur nuludang I Kesuna, lantas I Kesuna majalan
sambilanga ngeling tusing karuan ungsina. Salantang jalan kone
ia nyelsel awak ngame-ame mati. Ngebet kone pajalanne I Kesuna
asing tepukina tundena dogen ngamatiang ibanne. Lantas nepukin
kone ia crukcuk kuning matinggah di punyan tempuyake, ento
lantas tundena ngamatiang ibanne, ngalad-alad kone ia ngomong
sambilanga ngeling, "Crukcuk kuning, ne gotol tendas kaine apang
pesan kai mati, med suba kai idup. Adenan suba kai mati pada-
ang teken kai sakit buka kene!" Mara keto abet I Kesunane, teka
gotola tendas I Kesunane teken I Crukcuk kuning. Tol tol tol tol
tol. Mara gotola tendasne dadi memesu blengker mas lantas tendas-
ne I Kesuna. Kendel gati kone I Kesuna, buin lantas tundena
ngotol kupingne.
"Crukcuk kuning, dong godol kuping kaine, apang memesu
subeng mas!". Gotola kone lantas kupingne makadadua teken I
Crukcuk kuning. Tol tol tol tol tol, pesu kone lantas subeng mas
kupingne I Kesuna makaduang aneh.
"Crukcuk kuning dong gotol baong kaine, apang memesu
bebadong mas". Gotola kone baongne, mesu lantas bebadong mas
masocan pakenyornyor.
"Crukcuk kuning dong gotol lengen kaine apang memesu
gelangkana mas" Gotola kone pagelanganne makaduang aneh, mesu
lantas gelangkana mas masih masesocan ane melah-melah.
"Crukcuk kuning dong gotol pagelangan liman kaine, apang
memesu gelang mas". Gotola kone pagelanganne makaduang aneh
teken I Crukcuk kuning, mesu lantas gelang mas.
"Crukcuk kuning dong gotol jrijin kaine apang mabungkung
mas". Gotola kone jrijinne I Kesuna, ngreok lantas mesu bungkung
mas masesocan mirah inten.
"Crukcuk kuning, dong gotol bangkiang kaine, apang memesu
pepending mas". Gotola kone bangkiangne, mesu lantas pepending
mas. Panyuud tundena kone ngotol pagelangan batisne, makaduang
- 57 -