PURWAKA
Om Swastyastu,
Tetujon manah titiange ngaryanin Buku Kembang Rampe Kasusastran Bali puniki, tan seos wantah mangda para pamaos, pingarep para siswa miwah para mahasiswa uning ring parindikan Kasusastran Bali. Buku Kembang Rampe Kasusastran Bali puniki, dadosang titiang kalih wewidangan, inggih punika : 1. Wewidangan Kembang Rampe Kasusastran Bali Purwa miwah 2. Wewidangan Kembang Rampe Kasusastran Bali Anyar. Buku Kembang Rampe Kasusastran Bali Purwa puniki, malih dadosang titiang kalih paos, minakadi : Buku I : Ngunggahang parindikan wewangsalan miwah satua-satua, sakadi sane medalang titiang mangkin, Buku II : Ngunggahang parindikan geguritan-geguritan miwah peparikan-peparikan. Sakadi sane aturang titiang ring ajeng, buku Kembang Rampe puniki, sajawining tetujone nguningang ring para pamaos sinamian, taler tetujon titiange mupulang Kasusastran Baline sumangdennya tan ical.
Inggih asapunika daging atur titiange, saha kadulurin antuk pangacep dumadak buku puniki wenten pikenohipun.
Om Shanti, Shanti, Shanti Om.
Singaraja, 27 Pebruari 1978. Titiang
I Gusti Ngurah Bagus I Ketut Ginarsa
- 3 -
