Kaca:Kembang Rampe Kasusastran Bali Purwa Buku 1.pdf/59

Saking Wikisource
Kaca puniki kavalidasi

"Tebuk, tebuk ja malu, nyanan oke ja napinin". Tebuka kone

padinne teken I Kesuna, Suba pragat I Kesuna nebuk, buin kone

ia makaukan, "Bawang, Bawang, ne suba telah dekdek padine dong

mai tapinin!".

"Tapinin, tapinin ja malu, nyanan oke ja nglesung". Nyak

kone masih I Kesuna napinin. Suba kone dadi jijih, tundena lantas

I Bawang nglesung, tusing kone nyak I Bawang.

Kacrita suba dadi baas pragat I Kesuna dogen kone ngarap

totonan, tundena kone adinne ngaba mulihan, tusing kone masih

nyak I Bawang. Dening bes kanarosanne 1 Kesuna, ia kone lantas

ngaba baase mulihan.

Kacrita suba I Kesuna suud matetangkid, nyemak lantas jun

abana ka kayehan lakar nyuang yeh sambilanga mandus. Ia mara

majalan I Kesuna ka kayehan, jani I Bawang uapa lantas awakne

makaukud aji oot, nyanan yan teka memenne, apang kadena ia

nebuk nglesung padidiana. Suba kone keto, teka lantas memenne

uli peken. Mara pesan mencong memenne suba saduina teken I

Bawang.

"Meme, Meme, I Kesuna aeng ja lengitne. Tusing pesan ia

nyak ajak icang magarapan, pragat busan-busan mandus dogen ge-

gaenne. Kekene icang moot-oot padidiin nebuk nglesung, ia begbeg

ngresikin iba dogen maboreh, mapupur batak tunden icang ngaba-

ang caratan pesuan ia tusing nyak". keto pasadunne I Bawang,

teka jeg guguna kone teken memenne.

"Jani dija ia I Kesuna?", keto abet memenne.

"Anak ia ka kayehan, mara busan gati suud mandus, jani

buin mandus. Nyanan lamun teka tigtig ya tendasne nah me. apang

pesan kapok san", keto abet I Bawange, sajaan buin kescpne mara

teka I Kesuna nyuun yeh, jeg tudinga kone teken memenne.

"Dong nyai Kesuna. Kene dogen pangatian sigane, pragat

ngresikin iba dogen gegaenne. Tusing pesan siga medalem adi.

Apa siga ngelah sutahe ah cicing. Pawakan dogen siga jlema, pa-

ngatian sigane aengan teken ubuhan. Jani taanang tendas sigane",

keto abet memenne. I Kesuna dadi kamemegan tuara masaut. lantas

memenne nyemak kayu sahasa nigtig I Kesuna. Gerut, gerut. gerut.

"Adah, adah, adah, adah". Gelur-gelur I Kesuna ngeling, memen-

ne nyumingkinang kone kanti babak belur. I Kesuna macuab-cuab


- 56 -