11. CRUKCUK KUNING
Ada tuturan satua anak makurenan ngelah kone panak dadua
luh-luh, madan I Bawang teken I Kesuna. I Kesuna kelihan, I
Bawang cerikan. I Bawang critanne sayanganga pesan teken meme
bapanne. Asing tagiha I Bawang, kuala sida baana teken meme
bapanne, baanga dogen, tur sapamunyin I Bawange misunaang
embokne teka jeg guguna dogen. Sanget pesan meme bapanne ma-
baat-baatan, mara-maraan mabaan pepesan misi temah. Japi keto
I Kesuna nu dogen kone nyulsulang dewek teken meme bapanne,
diapin teken adinne, nu dogen ia makeneh naros, baan inget ia
manyama padaduanan buka sepite.
Nah crita sedek dina anu, semengan makiken memenne luas
ka peken, kaukina lantas pianakne makadadua lakar tondena nebuk.
"Cening-cening, Bawang, Kesuna, meme lakar ka peken, nya-
nan tuunang men padine, tebuk men ajak dadua, lantas men lesung,
kene sing ngelah baas lakar jakan jani!", keto omong meme bapan-
ne, nyak kone I Bawang I Kesuna lakar nebuk Jani suba kone
majalan memenne, kaukina lantas I Bawang teken embokne.
"Bawang Bawang, ne suba tengai, dong jalan tuunang padine".
Masaut I Bawang, "Tuunang, tuunang ja malu, nyanan oke
ja ngetepin". Dening keto pasautne I Bawang, menek lantas I
Kesuna ka glebege nuunang padi. Suba tuun padine, kaukina
lantas I Bawang, "Bawang, Bawang, ne suba beten padine dong
mai getepin!".
"Getepin, getepin ja malu, nyanan oke ja nyemuh", keto
abetne I Bawang, lantas getepina kone padinne teken I Kesuna.
Suba pragat I Kesuna ngetepin padi, kaukina buin I Bawang,
"Bawang, Bawang, dong jemuh padine!"
"Jemuh-jemuh ja malu, nyanan oke ja menpen ka ketungane".
Jemuha lantas kone padinne teken I Kesuna. Crita suba tuh padin-
ne buin kone kaukina I Bawang, "Bawang. Bawang, padine suba
tuh, dong penpen ka ketungane!"
Masaut I Bawang, "Penpen-penpen ja malu, nyanan oke ja
nebuk". Naros kone masih I Kesuna nyak ia menpen padi. Suba
pragat menpen, kaukina kone buin adinne, "Bawang, Bawang dong
mai tebuk!".
- 55 -
