10. I BAWANG TEKEN I KESUNA
Ada tutur-tuturan satua Men Bawang ngelah kone pianak te-telu pada luh-luh. Ane kelihan madan I Bawang, ne Nengahan madan I Kesuna, ne paling cerika madan I Cekuh.
Sedek dina anu, memenne luas kone ka peken, pianakne I Bawang teken I Kesuna tundena nebuk. Di subane majalan, ngomong I Bawang teken I Kesuna, "Kesuna Kesuna, dong tuunang padine!"
"Tuunang ja malu, nyanan oke ja ngetepin!" Lantas tuunanga kone padine teken I Bawang.
"Kesuna, Kesuna, dong mai getepin padine!"
"Getepin ja malu, nyanan oke ja nyemuh!" Lantas getepina kone padine teken I Bawang.
"Kesuna, Kesuna, dong mai jemuh padine!"
"Jemuh ja malu, nyanan oke nuduk". Lantas jemuha padine teken I Bawang.
Di subane tuh padine buin ngomong I Bawang teken I Ke- suna, "Kesuna, Kesuna, dong duduk padine!"
"Duduk ja malu, nyanan oke ja menpen ka ketungane". Lantas duduka kone padine teken I Bawang. "Kesuna, Kesuna, dong mai penpen padine!"
"Penpen ja malu, nyanan oke ja nebuk". Lantas penpena kone padine teken I Bawang.
"Kesuna, Kesuna, dong mai tebuk padine!" "Tebuk ja malu, nyanan oke ja nekdekang" Itep kone I Ba-wang nebuk padidiana.
Di subane pragat nebuk buin I Bawang ngomong teken adin- ne, "Kesuna, Kesuna, dong mai jani dekdekang!"
"Dekdekang ja malu, nyan oke ja ngababin".
"Di subane pragat nekdekang buin I Bawang ngomong teken adinne, "Kesuna, Kesuna, dong mai ababin!"
"Ababin ja malu, nyan oke ja nyidi". Ababina lantas tebuk-ane teken I Bawang.
Di subane pragat ngababin, tundena kone adinne nyidi, masaut I Kesuna, "Sidi ja malu nyan oke ja napinin". Lantas sidina
- 49 -
