Ada kone naga gede pesan. Tegakina lantas nagane teken I Rare-
angon ka puri. Ngokok kone nagane ento salantang jalan. Suba
neked di bancingah, nglepat ikut nagane bakat pentala kone candi
bentare, aas candi pamedal Ida Anake Agung. Anake di bancingah
pada pablesat mlaib. Takut teken naga. Ida Anake Agung mara
mireng orta dogen suba Ida ngetor, kalingke ngaksinin, meh Ida
lemet prajani. Kapangandikaang lantas I Rareangon ngediang naga-
ne ento. Budal lantas I Rareangon negakin naga. Teked jumahne
nagane ento lantas pastuna teken kurenanne, dadi lu.
Kacrita Ida Anake Agung angob pesan teken kasaktian I
Rareangone, dadianya mawuwuh-wuwuh sengit kayun Idane. Buin
maninne lantas I Rareangon kandikaang ngalih tabuan sirah. Ditu
lantas kurenanne ngadaang tabuan sirah ambul guungane geden
umahne, buin sedeng benbena, pagrieng inanne galak-galak. Ento
kone tengtenga teken I Rareangon abana ka puri. Suba teked di
puri, pesu makejang inan tabuane, sahasa ngrebut ngacelin Ida
Anake Agung. Ida Anake Agung lantas nyeleati, anggan Idane beseh
makaukud. Suba suud ngacelin, tabuane lantas nambung. Payu
mrampa Ida Anake Agung ka pamreman, nglantas Ida tuara meling-
meling teken raga. Buin maninne lantas Ida newata. Muug tangise
di jero puri, tan papegatan.
Ditu lantas I Rareangon ka purian ngalih I Lubangkuri. Tur
lantas ajaka mulih kumahne, ia lantas anggona kurenan.
Kacrita sapanewatan Ida Anake Agung, kasub pesan ka-
saktian I Rareangone, lantas I Rareangon kadegang agung baan
panjake.
- 48
